江南庭敘 (Closed)

我哋兩個打邊爐怪，一諗唔到食咩，就去食打邊爐! 無他嘅，唔洗煩，烚下烚就食得啦! 不過今次真係食到好尖，去到新開嘅九龍灣高銀金融國際中心嘅江南庭敘!!打開邊爐嘅朋友仔都知道嗰湯底真係好重要，會影響啲火鍋料嘅味道!!! 識叫當然叫鴛鴦鍋啦，一次過有兩種味!! 清湯牛腩湯底好足料，有幾多牛腩，啲蘿蔔仲好甜好淋 (清湯牛腩湯底已經有蘿蔔㗎啦，唔洗自己再嗌)。另一個我哋揀咗秘製沙嗲湯，比平時嘅沙嗲湯杰身，好濃好香，又唔會太辣蓋住啲料嘅鮮味!!海中蝦嘩!!! 隻海中蝦一啲都唔中囉，海巨蝦先啱，非常爽口，食得出佢嘅鮮味，點埋自家撈嘅醬汁，正呀!!花英斑平時打邊爐都鐘意食脆肉鯇，今次豪一次，叫咗花英斑!! 嘩，真係唔同啲，一分錢一分貨!! 入口就好香魚味，又無骨喎，師傅刀法好!!手切肥牛、金錢腱、牛白肉打邊爐點可以無肥牛，呢到嘅手切肥牛好濃牛味，脂肪分佈okay平均!! 另外，嗰金錢腱比較厚，好有口感。嘩，大家有無見到角落頭好多脂肪嘅肉呀? 佢叫做牛白肉，我哋真係第一次食，入口好大陣脂肪甘香味，好特別!!精選豬拼盤一次過食四款唔同豬嘅部份，有肉眼筋 (係豬排上面一層薄薄連着肉嘅脆筋)、 豬膶、豬脷同