公子茶座 (Closed)

最近係九龍灣揾到間隱世高質茶餐廳叫「公子茶座」😍原來店主本身有好多唔同興趣，所以佢開左唔同嘅商店例如係空內設計、美容、玩具等🫢但其實佢嘅夢想係開一間好味道嘅食店😮機緣巧合下佢頂左呢間舖黎做，於是就有呢間「公子茶座」啦🤭🔻入到去覺得環境好有懷舊feel, 絕對係香港傳統嘅茶餐廳🤗而且同其他茶餐廳一樣, menu由早餐去到晚市，勁多野食，要乜有乜，價錢仲要唔貴😜🔻🍚即叫即炒叉燒滑蛋飯 $58真係好出色，好有鑊氣，夠曬大碟，炒蛋夠滑，叉燒肥瘦適中，配埋啲醬汁一齊食不得了🤩👍🏼🔻🍚招牌生煎肉餅飯 $58呢個招牌肉餅飯都係必試，肉餅煎得好香脆，上面仲有啲蔥花，而且夠曬大塊，絕對可以撈曬成碟飯食😚好味！🔻所有餐都可以配熱奶茶/熱咖啡一杯，另外+$7 有cold brew, 見到果時以為睇錯，但真係有cold brew飲！😂😂所以一定要試下😛佢嘅cold brew夠曬香濃，夏天飲極正😋