NUTTEA (鴻力工業中心)

Open Now

Now Closed

平時飲開的奶蓋多數都係用鮮奶去打，所以好重奶味。今次經食素的朋友介紹，去左試用堅果奶去打既奶蓋。先知尼間堅果奶蓋係佢地既人氣之選，朋友推薦既伯爵朱古力堅果奶蓋茶，點知賣晒，原來每日限量一百杯。最後當然揀左奶蓋系列，同埋夏季限定啦！ ⦁芒芒堅果奶蓋茶（夏季限定）⦁粉紅莓好堅果奶蓋茶 奶蓋夠晒濃稠又厚，榛子堅果味濃，十分creamy，配上淡淡的茶香。聽店員講奶蓋由堅果萃取，再過濾水乳化，取代平時出面用的奶精同牛奶。岩晒素食者、乳糖不耐症，以及健身人士飲‼️ 最值得一提，夏季限定的芒果大大粒仲要超甜，唔單止面頭果d，最底仲有好多，好似食左成個芒果咁，夏天必！叫！另外，粉紅莓即係士多啤梨，甜度適中一啲都唔覺得酸。士多啤梨果杯上面仲有花生碎碎，好有口感！ ✨最近【九龍灣分店】做緊抗疫優惠，每第二杯享有20%折扣。