木衛二鑄茶所 (The Eastmark) (Closed)

又黎到一星期一次既星期五，指定動作就一定係去食下午茶，而下午茶黎講，最好就當然係又有得食又有得飲，咁木衛二鑄茶所就咁岩可以一次過滿足晒兩個願望，佢又可以飲到台式飲品又有一份炸鹽酥雞，真係一舉兩得。咁講返個茶，我就叫左個泰戈爾冰茶，個冰茶好有茶味，同時亦都充滿左果香，加埋冰凍既口感，完全係係香港呢個咁熱既地方帶來一絲冰涼。而個鹽酥雞，雖然我都諗住係送既就唔好要求咁多，食到就ok，但係佢出到黎又唔係喎，佢個鹽酥雞炸得好香脆，雞肉又鮮又滑，完全係抵食。