Video
Read full review
2023-02-05
60 views
最近喺MegaBox又開咗一間新開嘅燒肉，仲要係一人燒肉！所以大部份都係一人套餐，仲可以單點唔同嘅肉類同串燒。不過呢度唔收現金，會用QR code落單。🌟極上甲羅燒套餐 $228每款套餐都會配有湯品、泡菜/漬物、白飯，白飯可以加錢轉做紫菜飯。呢個套餐除咗三款肉之外，仲有甲羅燒，甲羅燒可以揀要唔要鵪鶉蛋，之後成個擺落去燒，鹹鮮味十足。和牛油脂好豐富，油脂分布都尚算平均，點少少燒肉汁已經好好食，厚切牛舌心配鹽蔥，比較爽口。都算係幾豐富嘅套餐。🌟極上鹿兒島A4套餐 $188鹿兒島A4和牛壽喜燒，可以揀日本玉子。和牛油脂都係較豐富，燒嘅時候要小心啲會大火。唔需要燒得太熟，之後再加落玉子同醬汁度食，肉質好軟滑，都算係幾大塊，食完會想單叫多一塊😆另外套餐仲有豚五花同雞髀肉，豚五花已經有調味，燒完可以包山菜一齊食。🌟澳洲M5和牛內裙邊150g $ 108除咗套餐都仲可以單點唔同嘅肉類，切得比較厚身少少，可以先成條兩面燒香，再剪開黎燒，和牛內裙邊有咬口，會有少少筋位🌟安格斯西冷薄燒80g $68一份有兩塊西冷薄燒，會附蒜蓉、炸蒜片、蔥花。燒完之後可以包住呢啲配料點醬汁一齊食，油脂唔算特別豐富但味道都唔
最近喺MegaBox又開咗一間新開嘅燒肉，仲要係一人燒肉！所以大部份都係一人套餐，
仲可以單點唔同嘅肉類同串燒。不過呢度唔收現金，會用QR code落單。
🌟極上甲羅燒套餐 $228
每款套餐都會配有湯品、泡菜/漬物、白飯，白飯可以加錢轉做紫菜飯。
呢個套餐除咗三款肉之外，仲有甲羅燒，甲羅燒可以揀要唔要鵪鶉蛋，之後成個擺落去燒，鹹鮮味十足。和牛油脂好豐富，油脂分布都尚算平均，點少少燒肉汁已經好好食，厚切牛舌心配鹽蔥，比較爽口。都算係幾豐富嘅套餐。
🌟極上鹿兒島A4套餐 $188
鹿兒島A4和牛壽喜燒，可以揀日本玉子。和牛油脂都係較豐富，燒嘅時候要小心啲會大火。唔需要燒得太熟，之後再加落玉子同醬汁度食，肉質好軟滑，都算係幾大塊，食完會想單叫多一塊😆另外套餐仲有豚五花同雞髀肉，豚五花已經有調味，燒完可以包山菜一齊食。
🌟澳洲M5和牛內裙邊150g $ 108
除咗套餐都仲可以單點唔同嘅肉類，切得比較厚身少少，可以先成條兩面燒香，再剪開黎燒，和牛內裙邊有咬口，會有少少筋位
🌟安格斯西冷薄燒80g $68
一份有兩塊西冷薄燒，會附蒜蓉、炸蒜片、蔥花。燒完之後可以包住呢啲配料點醬汁一齊食，油脂唔算特別豐富但味道都唔錯。
🌟厚燒牛舌芯 $32
🌟蘭國五花腩大蔥串 $ 18
🌟香蔥豚肉腩卷 $ 18
呢度仲有串燒可以叫，有蔬菜同肉類，我哋試咗三款，牛舌心我哋都覺得幾好食，而且價錢唔算貴
Post
