French Lab (Closed)

九龍灣返工的朋友應該都經歷過，lunch想食好西，正常都要排隊! 德福有幾間可以電話預訂的連鎖西餐，但味道都一般。因為搵地方跟同事食生日lunch，又要近公司趕返去開會，又想book枱唔排隊，意外搵地呢間餐廳，竟然可以 lunch time 係 openrice online book!一入到餐廳，被別緻環境吸引。 名字是 French Lab，不能說是正宗西餐，但絕對是食物質素好而抵食的西餐! 尤其當你吃過樓下$60一碗的超難食味精湯魚蛋粉，真會認同呢到好抵食! lunch menu 大約$100左右，有餐湯、主食，果茶自助任飲。最重要是，食得出食材算優質，加上環境佈置別緻，看得出餐廳老闆的用心和熱誠。唯一不足是，因為地方小，開放式廚房讓隔離吧枱座位有油煙味。但同樣地，開放式廚房看到內面衛生情況佳。整體十分滿意，會再光顧。