Video
Read full review
2021-05-01
6367 views
五一勞動節假期，book 左個九龍香格里拉大酒店Staycation package，包一晚普通酒店房住宿加二人Café Kool Lunch Buffet同Breakfast Buffet，$1500樓下有找，好似係幾平，不過自助早餐同自助午餐係同一日，呢個安排真係好奇怪。好彩最後last minute改到check in 個日就食lunch buffet先！我其實係第一次食Café Kool既自助午餐，通常我都係去港島香格里拉大酒店既Cafe Too。一齊睇下有咩食啦！呢度d野食分好幾區，都好多選擇吓。首先得一個入口，多人要排隊入。門口係魚生壽司區，長期有條人龍。魚生有甜蝦，魷魚，八爪魚，三文魚，希靈魚。要等師傅切或者攞俾你。甜蝦唔太甜同有d瘦，三文魚麻麻地，魷魚意外地爽脆。食完一轉就夠哂。壽司款式唔多吸引，都係d魚生款。另外有幾款卷物啱細路食。旁邊仲有日式海蜇，蟹子玉子豆腐，綠茶蕎麥麵。試左蟹子玉子豆腐，無特別。凍海鮮有蝦，蜆，蟹腳，螺，黑青口，三點蟹。試左螺同蟹腳。螺正常，蟹腳過鹹。西式區有專人即切烤牛肉同蜜汁燒火腿，另外仲有豬肉腸，茄汁豬柳，慢煮三文魚柳配蜜糖芥末，鑄鐵鍋燴紅
我其實係第一次食Café Kool既自助午餐，通常我都係去港島香格里拉大酒店既Cafe Too。一齊睇下有咩食啦！
呢度d野食分好幾區，都好多選擇吓。首先得一個入口，多人要排隊入。門口係魚生壽司區，長期有條人龍。魚生有甜蝦，魷魚，八爪魚，三文魚，希靈魚。要等師傅切或者攞俾你。甜蝦唔太甜同有d瘦，三文魚麻麻地，魷魚意外地爽脆。食完一轉就夠哂。壽司款式唔多吸引，都係d魚生款。另外有幾款卷物啱細路食。旁邊仲有日式海蜇，蟹子玉子豆腐，綠茶蕎麥麵。試左蟹子玉子豆腐，無特別。
凍海鮮有蝦，蜆，蟹腳，螺，黑青口，三點蟹。試左螺同蟹腳。螺正常，蟹腳過鹹。
西式區有專人即切烤牛肉同蜜汁燒火腿，另外仲有豬肉腸，茄汁豬柳，慢煮三文魚柳配蜜糖芥末，鑄鐵鍋燴紅酒牛肉，雞肉沙嗲，豬肉沙嗲，法式忌廉燴雞，炒雜菌，忌廉焗薯同意大利雜菜湯。烤牛肉第一轉超正，好嫩，之後個幾轉差左。慢煮三文魚柳配蜜糖芥末超嫩滑。鑄鐵鍋燴紅酒牛肉都可以。雞肉沙嗲同豬肉沙嗲都唔錯。炒雜菌都幾好。
西式區
143 views
0 likes
0 comments
烤牛肉
134 views
0 likes
0 comments
有專人即煮意粉。醬料可揀肉醬，蕃茄醬或忌廉汁。都有其他配料揀，如火腿，洋葱，青口，甜椒等。
印度區有多款咖哩，有印式薯仔咖哩，印式雞心豆咖哩，印式青豆飯，印式咖哩魚。專人即整印度烤餅可自選配料，如芝士，洋蔥，青辣椒，大蒜，馬鈴薯，雞肉。印度野唔係我杯茶所以都無試。
泰國區有鮮蝦金邊粉，泰式滷水豬，泰式咖哩雞。
仲有冬陰功。
天婦羅區有魚，南瓜，秋葵，茄子，冬菇，紫薯。凍左個d都尚可，如果等到熱辣炸起仲正，炸皮唔算厚，魚最好食，茄子，紫薯同南瓜都唔錯。
天婦羅區
99 views
0 likes
0 comments
粉麵檔主要配料有魚片，魚蛋，鮮蝦，雞蛋同豬肉餃子，仲有蔬菜配料，麵條都有幾款揀。湯底有叻沙，豬骨同清湯揀。我無食到麵條，净係食左d超新鮮既生菜同鮮蝦，魚片。鮮蝦鮮甜爽脆，魚片太鹹。豬骨湯底味道夠味！
生菜，鮮蝦
92 views
0 likes
0 comments
中式前菜有蓮藕，土豆絲，豆芽，雲耳，涼拌海帶。
中式食物有豬肉炒飯，時蔬，辣酒煮螺，雞肉，蒸魚，蝦仁炒蛋，雞翼，紅腸。個人覺得較爲遜色。辣酒煮螺幾夠辣，雞肉好硬，蒸魚可以更滑。雞翼同紅腸個人無興趣。時蔬居然係白菜加蟲草花，蟲草花正啊！
點心區有馬拉糕，香菇雞肉餃，山竹牛肉。中湯係粉葛赤小豆湯。香菇雞肉餃好好味，皮薄又煙煙韌韌，入面料多又好味。粉葛赤小豆湯味道都幾好。
沙律吧有青木瓜沙律，柚子沙律，刁草三文魚，凱撒沙律。凱撒沙律非常新鮮爽脆。
凍肉有意式煙燻豬肉腸，沙樂美腸，獵人腸。沙律杯有兩款，分別係煙三文魚同蕃茄芝士沙律。沙律杯預先溝好味道都唔錯。
芝士有五款，包括Camembert，Brie，Edam，Emmental同Gruyere cheese，不過要叫服務員切俾你，我就懶得試。麵包有好多選擇，有麥包，迷你法包，合桃提子包，意大利香草包，牛奶軟包同小硬包。
至於甜品區係餐廳另外一面，甜品種類超多，質素亦非常出色，最正係有我最鍾意既Haagen Dazs 雪糕！生果有火龍果，菠蘿，西瓜同哈蜜瓜，開頭分好一杯杯，後尾變左做一大兜，最後剩返火龍果而其他水果無refill。蛋糕種類超多，我試過既基本上全部都好好食！士多啤梨芝士餅既芝士又濃又滑！異國野果蛋白脆餅非常香脆又唔膩！另外兩款係法式小蛋糕同蘋果焦糖蛋糕。
甜品，水果
86 views
0 likes
0 comments
朱古力慕絲朱古力味香濃又滑。Panna cotta杯又精緻又香滑。芝士餅既上層芝士都唔錯。雜莓撻既撻皮好好味又香脆。其他蛋糕有紅豆糕，熱情果慕絲，綠茶意大利芝士餅，朱古力撻。
甜品
79 views
0 likes
0 comments
朱古力覆盆子蛋糕既覆盆子同朱古力組合夾得好好。其他甜品有creme brulee。
甜品
65 views
0 likes
0 comments
好特別既係有即製大判燒，有紅豆味同另外一隻味。試過紅豆味，熱辣辣食真係又香又軟，紅豆餡又多，不過之後食另一轉紅豆餡就唔夠多。仲有麵包布甸食。
大判燒, 麵包布甸
64 views
0 likes
0 comments
哈根大師雪糕有六種味道，有士多啤梨，雲呢拿，朱古力，綠茶，檸檬青檸，曲奇忌廉。可惜到後期所有味道都清左都無refill，等左好耐先有芒果同咖啡味......雪糕toppings有朱古力碎，軟糖，杏仁片，薄脆碎，朱古力醬等等，可惜杏仁片唔脆。
Haagen Dazs 雪糕
74 views
1 likes
0 comments
最後仲有香草古早味蛋糕同蛋白杏仁茶！蛋白杏仁茶一定要試啦！我覺得不過不失啦，有少少似杏霜，試一次都可以，無需encore。
蛋白杏仁茶, 香草古早味蛋糕
67 views
0 likes
0 comments
每人包一杯餐茶，可以轉果汁，有橙汁同蘋果汁揀，都幾flexible！
總括而言，甜品非常出色！對我呢個甜品控黎講絕對足夠食到大大滿足。西式食物同天婦羅都唔錯，刺身凍海鮮同中菜就遜色d。不過選擇都夠多。餐廳樓底矮，枱同枱之間距離都幾近。服務很好，基本上所有服務員都好好禮貌，仲有專人送小禮物俾小朋友！星期六﹑日及公眾假期收$488 +10%，經OpenRice 網上訂座75折，以呢個價錢黎講我覺得ok！以staycation價錢黎講就好抵！
Post
