九龍粉麵 (Closed)

Lunch Time 要來個快食，就揀咗公司附近嘅 九龍粉麵。平常食粉麵除咗快之外，清清地都係其中一個目的。九龍粉麵堅持唔落味精，即使葱花都為點綴。我地一行三條女，每人一碗淨米，再加呢碗九龍十三太寶 。佢聽落好似係啲咩大補酒咁，其實佢係淨餸，一共有13款食材，魚蛋、魚角、水餃、雲吞、鯪魚球、牛腩、牛孖筋、牛什四寶（牛腸、牛膀、牛肺、牛肚）、牛沙瓜和南乳豬手。(明抄，點記得咁多!) 記得要先食丸類！魚角已夠驚喜，彈牙不在話下，魚皮鮮香！跟住就食牛類。平時好怕食牛雜內臟，一咬就散嘅口感真係打晒冷震。但係呢到嘅牛沙瓜，就有煙un嘅口感仲有牛腩嗰種牛味，好正！最後就當然係個豬手啦，可惜係膩咗啲，一啖就夠。呢間新式嘅粉麵店，灣仔區黎講，值錢又唔貴，真係值得推薦！