蝦蝦麵 (Closed)

搬來九龍城唔經唔覺，已經2年幾喇…開頭搬來，周圍去食均各大小泰國菜館…打邊爐…但係住耐左，好自然就想食下其他嘢…近幾個月，留意到呢間"Sam's noodle"，開頭立眼以為又係泰國粉麵店，直至有一次專登行埋去睇，先知道係馬來西亞嘢。價錢絕對可接受範圍之內，大部份都係幾十蚊，設有午餐 (30-40蚊包飲品) / 晚餐 (有個188 2人套餐)…再者，又唔使同區外人爭(等)位，普通一個人(or 3-4人) 響度開餐就最好不過。我已經來左2次，第一次係夜晚來，試左個蝦蝦麵，湯底無味精，夠蝦味，材料可以接受，有晒魚片/ 蝦/ 強/ 芽菜等等…我平時食粉麵，係絕少會飲個湯底，呢一次我幾乎飲清咁滯…今日再去多次，3點幾竟然都照比我叫午市套餐…30蚊一個福建炒油麵，包熱飲…來到個份量完全唔覺係午餐應有嘅份量，我意思係同平時散叫一樣咁大碟…味道方面絕對ok…即叫即炒，亦唔會食到一口都係油…特別值得一讚係呢度嘅服務，夠主動…(因為唔係太多客嘅緣故？)，點都好啦…我食炒麵會自動問我要唔要隻特色辣椒醬…見我著褸侍應本來食緊飯都自動行定去收銀位等我去埋單…好讚同之前食評所講，呢一間餐廳絕對值得大家幫襯﹗我