Video
Read full review
2023-01-11
357 views
【九龍城】昌發泰國粉麵屋 眾所周知九龍城出名食泰國菜，今次介紹呢間昌發位於城南道，共有兩個舖位而且仲坐埋閣樓，星期六夜晚嚟食坐滿晒，非常熱鬧。😳以價錢來講未算最平，但勝在選擇夠多，而且座位都多，等起位上嚟都唔使咁耐。✌🏻✨冬蔭公（大）$128酸味非常開胃，辣味令人上癮。湯入面有3隻開邊中蝦同好多草菇，我哋三個人嚟食每人分到兩碗多啲。（覺得都頗辣🔥，我平時食到四小辣）✨生蝦刺身 $98生蝦肥美，蝦肉爽口。我個人食法係蘸啲辣醬再加粒蒜一齊食，刺激味蕾再提升鮮味。✨鮮蝦炒金邊粉 $59正宗泰式街頭風味，有獲氣，唯一美中不足係蝦有啲少，得三粒。✨咖喱軟殼蟹 $198黃咖喱配炸軟殼蟹，兩樣係分開上碟嘅，同想像中有啲出入🫠。軟殼蟹酥脆，偏細隻。黃咖喱可以再杰身啲，撈埋軟殼蟹一齊食就會掛汁啲。味道不過不失，應該唔會食第二次。👉🏻好多人話侍應姐姐態度唔好，我自己覺得還好，可能因為佢哋真係太忙，而且仲要上落樓梯送餐，我去當日係爆曬場。👉🏻想簡簡單單食泰國菜都幾推薦，價錢合理而且唔使等點位。聽講佢個麵係最出名，下次再試一試佢！✨昌發泰國粉麵屋 📍九龍城城南道25-27號地下
眾所周知九龍城出名食泰國菜，今次介紹呢間昌發位於城南道，共有兩個舖位而且仲坐埋閣樓，星期六夜晚嚟食坐滿晒，非常熱鬧。😳
以價錢來講未算最平，但勝在選擇夠多，而且座位都多，等起位上嚟都唔使咁耐。✌🏻
✨冬蔭公（大）$128
酸味非常開胃，辣味令人上癮。湯入面有3隻開邊中蝦同好多草菇，我哋三個人嚟食每人分到兩碗多啲。（覺得都頗辣🔥，我平時食到四小辣）
✨生蝦刺身 $98
生蝦肥美，蝦肉爽口。我個人食法係蘸啲辣醬再加粒蒜一齊食，刺激味蕾再提升鮮味。
✨鮮蝦炒金邊粉 $59
正宗泰式街頭風味，有獲氣，唯一美中不足係蝦有啲少，得三粒。
✨咖喱軟殼蟹 $198
黃咖喱配炸軟殼蟹，兩樣係分開上碟嘅，同想像中有啲出入🫠。軟殼蟹酥脆，偏細隻。黃咖喱可以再杰身啲，撈埋軟殼蟹一齊食就會掛汁啲。味道不過不失，應該唔會食第二次。
👉🏻好多人話侍應姐姐態度唔好，我自己覺得還好，可能因為佢哋真係太忙，而且仲要上落樓梯送餐，我去當日係爆曬場。
👉🏻想簡簡單單食泰國菜都幾推薦，價錢合理而且唔使等點位。聽講佢個麵係最出名，下次再試一試佢！
✨昌發泰國粉麵屋
📍九龍城城南道25-27號地下
Post
