Video
Read full review
2022-07-20
645 views
泰好味(20/7) 星期三 晚上7點左右特式：講到食泰式野，九龍城應該係最多選擇嘅地方之一，呢度食泰式野既舖頭大多都相當出名，時常都有唔同地區野人慕名而來。食物：今日兩個麻甩佬主要係想啤啤佢，唔係好肚餓，所以只係叫左d小食，但都想同大家分享吓。炸蝦餅 - $68有5大塊，切開左10件，揸得幾香口，又熱辣辣，呢個價錢都相當抵食。燒魷魚 - 呢個係細size，80蚊，都幾爽口彈牙，但就冇乜味，呢個價錢只係屬於正正常常，唔算太抵食。串燒 - 叫左2串雞軟骨/司華力腸/牛丸/墨魚丸/豬肉丸各一串，total 90蚊，比起出邊食串燒算抵食，同埋都燒得幾好食，尤其是佢有兩個醬汁揀，包括泰式辣醬/沙嗲醬，個沙嗲醬幾好食，起碼冇泰式辣醬咁普通，當中雞軟骨真係燒得幾好食，又香口又爽口。飲品 - 飲品有普通汽水/啤酒之類，正常操作，但麻甩佬吹水梗係飲啤酒啦，仲要係泰啤。環境：舖頭內位置好細，但佢有間室內舖頭喺隔離，但當然冷氣就冇鋪內咁舒服，但鋪內都唔好好多位，同有d迫，雖然未去到背貼背，但枱與枱之間都好窄。服務：樓面係泰國既姐姐，服務態度正常，冇特別好或特別差，普通廣東話都溝通到。價錢：兩個麻甩佬，飲埋三
(20/7) 星期三 晚上7點左右
特式：講到食泰式野，九龍城應該係最多選擇嘅地方之一，呢度食泰式野既舖頭大多都相當出名，時常都有唔同地區野人慕名而來。
食物：今日兩個麻甩佬主要係想啤啤佢，唔係好肚餓，所以只係叫左d小食，但都想同大家分享吓。
炸蝦餅 - $68有5大塊，切開左10件，揸得幾香口，又熱辣辣，呢個價錢都相當抵食。
燒魷魚 - 呢個係細size，80蚊，都幾爽口彈牙，但就冇乜味，呢個價錢只係屬於正正常常，唔算太抵食。
串燒 - 叫左2串雞軟骨/司華力腸/牛丸/墨魚丸/豬肉丸各一串，total 90蚊，比起出邊食串燒算抵食，同埋都燒得幾好食，尤其是佢有兩個醬汁揀，包括泰式辣醬/沙嗲醬，個沙嗲醬幾好食，起碼冇泰式辣醬咁普通，當中雞軟骨真係燒得幾好食，又香口又爽口。
飲品 - 飲品有普通汽水/啤酒之類，正常操作，但麻甩佬吹水梗係飲啤酒啦，仲要係泰啤。
環境：舖頭內位置好細，但佢有間室內舖頭喺隔離，但當然冷氣就冇鋪內咁舒服，但鋪內都唔好好多位，同有d迫，雖然未去到背貼背，但枱與枱之間都好窄。
服務：樓面係泰國既姐姐，服務態度正常，冇特別好或特別差，普通廣東話都溝通到。
價錢：兩個麻甩佬，飲埋三支啤酒，買單312蚊，確實唔貴，坐下傾下又人趕，都可以接受。
總結：呢間係朋友介紹去試，普普通通，不過不失，但當然九龍城有好多好多泰式食店選擇，都建議大家唔好食死一間，應該要試多幾間，先知道邊間最啱自己食。
燒魷魚
$80
60 views
0 likes
0 comments
炸蝦餅/串燒
32 views
0 likes
0 comments
Post
