新城潮州飯店

Open Now

Now Closed

好似好耐冇打冷，今次趁「架己冷」朋友仔外國返香港渡假，所以帶咗佢去食潮洲打冷。本人情意結，鍾意傳統嘢，首選呢間位於九龍城嘅老牌舊式小店「新城潮州飯店」。叫咗我嘅童年回憶，細個阿媽緊有一煲係屋企嘅《潮洲春菜》（$58），朋友話味道好獨特，解釋之後，原來是潮洲芥菜，佢為之驚訝。《鹹菜豬肚湯》（$68/細），入口好香胡椒味，加上少少鹹菜味，朋友大𧹍好飲。《潮洲滷水鵝》（$98/例），可以話係必食主菜，鵝夠入味，吸收曬滷水味，入口甘香。滷水汁認真夠香濃，鋪頭一定要有番咁上下年資先可以做到。《鵝腸併紅腸》（$88），鵝腸爽口好吃，配上餐廳自家製辣椒油，更加美味。紅腸好耐冇食，又係有一種童年回憶。配埋冰凍啤酒，超正。呢間老牌飯店，已經賣少見少。除了食傳統食物的味道，亦是食人情的味道。推薦大家去試。