渡邊屋

Open Now

Now Closed

上次經過九龍城見到呢間轉角位嘅餐廳細細間，門口唔少人等位，今次就捉埋男朋友黎試下。餐廳雖然細，但可以直接見到師傅係你前面切刺身，店員亦都可以好好照顧客人，仲係日本師傅主理嘅餐廳日本產原條池魚 $298 🎣一坐低就見到個是日時令menu，即刻叫咗呢條池魚。由起肉到上碟，都係超快速度。魚肉厚身，肉質緊實爽口，油份唔算多，白肉魚作為第一道菜唔錯。本鮪赤身蔥吞拿魚丼 $168 🍙赤身魚味比較濃，刺身仲切得好厚身。拖羅蓉份量好多，撈飯真係好正😍最特別係佢仲有隻生蛋係中間，撈埋拖羅蓉好滑。原條海鰻壽司 $28見到menu寫原條就即刻叫，成條上視覺效果好澎湃。海鰻雖然薄身啲，但魚味鮮甜。三文魚壽司 $12🍣師傅好有心思係三文魚上面𠝹花，雖然無叫魚腩，但呢舊三文魚油脂都好豐富，好滑。日本紋甲壽司 $12一咬落去就有啲黏口，幾鍾意呢種感覺。牛油果壽司$12🥑牛油果配搭壽司飯唔會違和。