Domon 居酒屋 (淘大商場3期) (Closed)

九龍灣日本野唔算多，德福嗰頭幾間，得寶有間沾麵，淘大嚟講和民同埋居酒屋又係唯一兩間喇。前排做緊七折外賣，都幾抵食，不過而家變咗八折多啲囉。間嘢又串燒啦，拉麵、飯、小食，送酒小食可以話係特別多，都叫係一間居酒屋。不過美中不足呢真係冇壽司刺身，想食日本嘢呢，冇呢兩味硬係爭啲。講返今日食啲嘢，溫泉蛋中規中矩啦，秋葵沙律呢 就撞手神，有時汁太多呢真係酸咗啲，今日依份就唔錯。其他嘢食都幾精美㗎，譬如呢鰻魚就真係主打， 做到夠咬口嘅。拉麵湯底呢都夠辣嘅，濃沃嘅，唔錯嘅，一舊水樓下定係咁啦😋平時仲會做下午茶，不過我真係未食過，有機會可以試下。