Domon 居酒屋 (淘大商場3期) (Closed)

服務員安排座位不當，服務差劣！我與小朋友到該店用餐，當時有其他梳化座位，我要求希望可以坐有梳化的座位，但服務員堅持要我們坐廚房旁很狹窄座位，服務欠佳，用餐過程中服務員經常踢到我小朋友和我太太椅子，走廊狹窄，當服務員拎餐時也有產生意外的機會！

體驗差、食物一般、價錢可以、服務態度差去開淘大見到間日本餐廳諗住試下，入到去見到日式燈罩發曬霉，點咗唐揚魷魚鬚，好大陣油益味，炸春卷好特別好多魚，但個心仲有少少凍。服務員態度非常麻麻，短髮女待應叫幾次先斟水，叫完奉旨唔應人，根本唔知佢聽唔聽到，斟完水大力放枱邊，又要人自己拎，好似受緊佢氣咁！幾個小菜連魚連串燒，石頭鍋飯，埋單6xx，價錢都可以，但絕對有更好選擇，呢間可一不可再，唔會再比錢中伏，唔明點解咁多正評。

去到「Domon居酒屋」，一坐低，件事就忍唔住開心！先嚟碗「泡菜牛肉拉麵」，湯頭夠晒醇香，泡菜嘅微酸辣同牛肉滑溜嘅肉質完美夾擊，啖啖肉真係夠晒過癮😌。湯面飄出嚟嘅肉香啊，真係一流！再加個「黑松露燻蛋」，呢個蛋蛋黃濕潤，松露香氣撲鼻，流心蛋黃溢出黎與松露拌埋一齊，入口即溶，美味得滯👍。當然唔少得飲啲嘢，「巨峰葡萄蘆薈梳打」就幾出乎意料，甜中帶點清新，啖啖水果香氣，酸酸甜甜嘅，喉嚨過咗佢，順滑爽口😋。你話係居酒屋，但飲品食物都keep到好似食茶餐廳咁親民，呢個下午茶，真係失心瘋又滿足！下次有空，我仲要嚟喇！大家唔該記住去「Domon居酒屋」，幫幫忙尋返坊間嘅味道啦！

事原落單到店用餐，店內 接收訊號差， 撈唔到手機入落單首頁， 問員工可否幫忙入單 或有冇wi-fi供應， 員工搭兩者都沒有， 只能自行用，如果唔係冇其他方法， 路徑經理沖過來，幫忙解決問題 ，說可以幫你落單， 另外我又見到有長者入來進餐坐我隔離枱， 問題同我一樣，員工居然同長者客人說，你手機不能落單就不能進餐 ， 唔識手機落單自行處理， 我再問員工 ，如果手機沒電或沒有訊號 ，唔夠數據 ，下不了單怎辦 ， 員工堅持 沒辦法解決，自行處理， 員工幫忙趕客， 服務態度只有更差

行街經過成日都見到呢間居酒屋，不過一直都冇入過去，今日同朋友行開九龍灣，就去咗呢間試吓新嘢。叫左一個蕃茄湯叉燒拉麵、原味湯豚腩片拉麵，下午茶時段，價錢都好抵食。兩個餐份量都算多，原味湯嘅豚腩片都有好多塊，但反而蕃茄湯叉燒拉麵嘅叉燒就只有一塊，而拉麵嘅配料都好多，同朋友都覺得原味湯底比較好味，蕃茄湯底的味道有啲奇怪。環境唔錯，座位都算好寬敞，兩個人都可以坐一張大枱，可以慢慢傾偈慢慢食，有機會都會再encore。

大家好，我係今日嘅飲食探險家🍜，一路行一路食，發現左間日式小店，融合左我哋香港嘅地道美味，令我唔得唔同大家分享! 首先嗌咗碗招牌拉麵🍜，湯底鮮美得嚟唔會太油膩，啱晒我哋嘅口味；而啲面條彈牙得黎，吸滿咗湯汁，一啖咬落去彷彿有種嚼勁哂，簡直係精彩! 食埋件燒豚肉，啖啖肉嘅份量正啱，口感半肥半瘦，啱你哋呢啲愛吃肉嘅朋友👍🏼。甜品方面嘅綠茶芝士蛋糕係今次嘅驚喜，層次分明嘅口感配上微苦嘅綠茶粉，唔甜唔膩，真係食完仲想食多塊😋；唔可以唔提嗰杯自家製嘅檸檬茶，酸酸甜甜，好夠Kick，完美平衡曬席間嘅美食。總之，呢度嘅食物真係窩心，環境仲舒服，你想飲茶又得，想食正宗日式小食又得。下次身邊朋友問你邊度有好味嘅日式食堂，記得推薦呢家店！幾個字形容? 複雜中嘅簡單美味！🥰

經過見到佢下午茶，價錢合理，所以入左去試。叫咗D野食，等左一陣都未見影，所以就追下店員，但態度一般，最後再等左一陣終於有野食。炸豆池魚，炸粉好薄，唔均勻，炸到乾身得滯，味道一般。唐揚魷魚鬚就較好，熱辣辣，幾酥脆，魷魚有咬口，味道唔錯。因為上菜實在太耐，所以無再叫野食，今餐體驗一般。

琴日周圍水浸，出面仲係黑雨，去附近搵吓食先。發現居酒屋居然有開，仲有下午茶食，一於入去會下佢。呢間舖頭喺深啡木色牆身，配配黃色嘅燈光，顯得有d昏暗，有d情調來。有卡位同普通座位。我哋琴日坐卡位，座位算寬敞。吉列豬扒定食豬扒略嫌細塊，但都炸得香脆，伴有胡麻沙律醬伴菜，麵豉湯唔鹹，有豆腐同海帶，個餐重有中華沙律，飯量都夠。燒鯖魚定食鯖魚d邊，燒得好香脆，條魚配有檸檬同燒汁，好好食。沙律菜新鮮，有埋中華沙律拌飯，珍珠米粒粒分明，好食。所有餐都配有飲品，我哋揀咗橙汁。

之前都睇過一d食評，講個女經理服務態度差，本人都不以為然，因為仲係覺得大家都係打份工得饒人且饒人，所以我對一般劣評都唔會特別上心或留意。今次親身經歷，令到我覺得真係要再三提醒各位或呢間公司，可能就係一個人會嚴重影響一間食肆聲譽，或者係令客人一餐飯有不愉快經歷。個女經理自己話忙又可以推個責任其他員工，身為經理都可以咁不負責任，不如請少個經理換兩個樓面可能會唔會咁多差評！唔怪得愈來愈少客，希望再無下個受害者！

之前進了這家餐廳用餐，但真的讓我非常失望，令我必須要評論。首先，他們上菜的速度慢，點完餐等了好長時間才有東西上桌。更糟糕的是，他們的菜味道普通。還有，他們的份量也比較少，特別是拉麵。炸物也是挺小的。配菜挺多，但不好吃。最讓我擔心的是，這家餐廳的衛生令人不能接受。而且碗和杯子上都有明顯的污漬。這讓我感到非常不舒服。總之，這家餐廳的表現令人失望。上菜慢、食物味道差、份量少以及不太衛生，我不會推薦這家餐廳給其他朋友。

呢排阿仔放暑假，湊佢上完興趣班，例牌要食下午茶，有時五點半，我哋當埋晚餐。呢間次次佢首選，坐得入燈光有d昏暗，應該係情調來，不過大少唔識欣賞。佢次次要坐最出卡位，其實座位算寬敞，服務一般，有時發覺無嚟就提多次，食物快到，算好抵食。豬軟骨叉燒拉麵有鹽味同味增湯底選擇，大少選了鹽味，湯底清清地，麵質彈牙，豬軟骨兩大舊，一塊大叉燒，肉算多，兩款肉都淋，配上木耳，都算不錯。吉列豬扒定食豬扒脆鬆脆可口，但略嫌細塊，要提佢先有沙律醬，麵豉湯唔鹹，沙律菜有芝麻醬，仲有中華沙律，珍珠米粒粒分明，飯量足夠。燒鯖魚定食鯖魚燒得好香，配有檸檬同燒汁，麵豉湯內有海大和豆腐，沙律菜新鮮，仲有中華沙律，珍珠米粒粒分明，飯量足夠。*所有餐配有飲品，可選汽水、柚子蜜、蘋果汁、橙汁、或芒果汁。* 最近俾錢發現可加入WhatsApp做會員，會額外再有九折，所以好抵食。

😋DomonThe restaurant sells Japanese food, such as ramen and rice with set. They offered a bunch of dinner set about HKD$90ish. My family member ordered the grilled ginger pork set🍚, butter cha siu ramen 🍜 and spicy beef ramen🍜 . The portion of them is quite small, which we are not getting full after the meal. The set include miso soup, rice and a mini salad 🥗. We are quite disappointed ☹️

經過見到佢下午茶，好似幾抵入邊又坐滿晒咪諗住入去食。叫咗兩個餐其中一個餐催咗幾次，點知等咗半個鐘都係冇嚟到。其實只係一個好普通嘅拉麵 餐。隔籬枱等咗一個鐘都未齊，佢哋都催咗好多次單。最神奇嘅係，員工食飯枱就不停有嘢食上。成間餐廳好似冇人返工咁？？ 最後我話取消張單都冇理我，要自己去買單先有人搞。咁樣嘅服務仲要收我+1服務費，勁嬲。我去嗰日係公眾假期嘅，下午都咁樣唔夠人手？完全唔建議去食，各位自己睇路。

Domon 居酒屋味道評分:☄️(highest_surprise)/☀️/🌤(pass)/⛅️/💨(lowest)☀️極上牛小排壽喜鍋 $128 (+$20轉定食)定食: 有白飯、前菜、味噌湯都有6片牛架🤪望落就唔太新鮮但食落都滑都ok，有配一隻生蛋點肉食👍🏻除咗肉之外就係娃娃菜、菇、紅蘿蔔…🌤特盛牛肉鰻魚飯 $108份量好多😂但賣相一般味道方面，牛肉都有少少汁，唔算乾鰻魚啲骨有一截手指咁長👀🤭🌤炸雞軟骨粒 $38份量多既、熱既、脆既，但就係唔係幾好食。☀️蘋果汁 $18💨比漏左個晚市menu(平d)我…💨上菜超慢(隔離枱都有類似情況，要催單)❤️‍🔥❤️‍🔥❤️‍🔥既然你睇到尼度，不妨比個like & comment & follow ~話比我知你有睇，比啲動力我丫❤️‍🔥最後既最後，口味尼家野因人而異啦~

九龍灣一直都好多好餐廳，尤其喺淘大商場地下嗰層，真係越開越多餐廳，今日揀咗間日本餐廳試吓，都幾抵食！黑松露牛拖羅卷黑松露香味好重，牛拖羅入口即溶，配上玉子同埋青瓜，口感唔錯。牛小排壽喜鍋牛小排好嫩，份量好跳，壽喜燒湯底濃郁，調味岩岩好。燒菠蘿燒菠蘿一直係我食串燒嘅首選，燒完之後甜味更加突出！士門串燒盛秋葵同雞翼juicy，牛舌亦都唔會太硬。特盛牛肉鰻魚飯珍珠米煮得好軟熟，牛肉同埋鰻魚份量亦都好多！