四喜冰室 (Closed)

今次黎到九龍灣呢間四喜冰室，大大間冰室座位幾闊落，今日食lunch經過就入去試下😌我地叫佐兩個飯，首先有😍秘製蔥油雞扒炒蛋飯 $52，呢個係全日menu黎，大大塊既雞扒煎到好香，雞皮都有少脆，而醃過既雞扒好好味，肉汁又多，炒蛋更加正🤤半熟既炒蛋撈埋飯一齊食真係好好食呀，再加上香蔥豉油，成碟飯消晒無難度！另外我地就試佐🐷鹹蛋肉餅籠仔蒸飯 $58，呢個係lunch先有，太岩啦！啲飯本身已經係蛋炒飯底，有味又粒粒分明，而用籠仔蒸既鹹蛋肉餅好香，肉餅又唔會太實，好好食呀！飲品方面就叫佐一枝四季春$24，一枝白桃烏龍茶$24，兩枝都好濃茶味，好香！