Video
Read full review
2018-08-29
116 views
親戚係大陸落左黎探我地，成八個人食飯，所以呀媽呀我收工時斬料返去。因為收工時間，所以成條街都好多人，亦有唔少人係度買燒味。隔離間茶餐廳都係佢既，堂食同外賣分開兩邊舖。燒味舖應該有既佢都有，仲大大只，掛晒係度，幾吸引，令人覺得好肚餓燒鵝大只，漲卜卜，好肥美！不過呀媽無落order叫買佢，所以無得食啦叉燒燒肉、燒腩仔以下就係我有叫既外賣啦！燒腩仔肥瘦一層層，肉質爽爽地，唔油膩，個皮好脆！乳豬！！係我最愛既燒味！佢呢間做得唔錯，乳豬個皮燒係好脆！唔算好肥，相反仲幾好肉添！圖中份量係一斤，我覺得佢既一斤差不多係平時酒樓食開既2/3只甘多！超正，抵食！！油雞半只好肥美，好大只，半只裝滿一個盒。油雞好入味，唔加佢俾果包豉油都好夠味。雞皮爽口，肉質嫩滑，做得好唔錯！yummy！炸乳鴿推介食乳鴿！佢一只50蚊，唔算話抵到爛。但叫平，因為佢真係好大只，好大只！佢有兩種食法，炸或者原味。如果係炸既會將原味拎去即炸，好香口！個皮唔算話好脆，但真係好香，好惹味！普通原味，如果食過炸乳鴿就會覺得佢平淡啲。但其實佢都係好入味，又大只，有另一種味覺既享受！親戚當晚都食到lam lam脷！好滿足！呢度係我斬料既好地方
親戚係大陸落左黎探我地，成八個人食飯，所以呀媽呀我收工時斬料返去。
因為收工時間，所以成條街都好多人，亦有唔少人係度買燒味。隔離間茶餐廳都係佢既，堂食同外賣分開兩邊舖。
燒味舖應該有既佢都有，仲大大只，掛晒係度，幾吸引，令人覺得好肚餓
燒鵝大只，漲卜卜，好肥美！不過呀媽無落order叫買佢，所以無得食啦
叉燒
燒肉、燒腩仔
以下就係我有叫既外賣啦！
燒腩仔
肥瘦一層層，肉質爽爽地，唔油膩，個皮好脆！
2 views
0 likes
0 comments
乳豬！！係我最愛既燒味！佢呢間做得唔錯，乳豬個皮燒係好脆！唔算好肥，相反仲幾好肉添！
圖中份量係一斤，我覺得佢既一斤差不多係平時酒樓食開既2/3只甘多！超正，抵食！！
4 views
0 likes
0 comments
油雞半只
好肥美，好大只，半只裝滿一個盒。油雞好入味，唔加佢俾果包豉油都好夠味。雞皮爽口，肉質嫩滑，做得好唔錯！
1 views
0 likes
0 comments
yummy！
炸乳鴿
推介食乳鴿！佢一只50蚊，唔算話抵到爛。但叫平，因為佢真係好大只，好大只！
佢有兩種食法，炸或者原味。如果係炸既會將原味拎去即炸，好香口！
6 views
0 likes
0 comments
個皮唔算話好脆，但真係好香，好惹味！
1 views
0 likes
0 comments
普通原味，如果食過炸乳鴿就會覺得佢平淡啲。但其實佢都係好入味，又大只，有另一種味覺既享受！
5 views
0 likes
0 comments
親戚當晚都食到lam lam脷！好滿足！呢度係我斬料既好地方、好推介！果然快靚正！
Post
