Video
Read full review
2018-12-22
2790 views
提早同屋企人做冬，叫咗半席乳豬宴$800, 已包括茶位加一，包六罐汽水或獅威啤酒，我們再加特價龍蝦$48一隻，兩位用，四人可叫兩隻特價龍蝦，如此類推，我哋八個人叫夠四隻，好抵食！龍蝦新鮮，真係即刻喺魚缸撈上來的，即劏蒜蓉清蒸，蒜蓉味超香，龍蝦肉鮮甜又爽口，大大嚿啖啖肉，食半隻其實都夠，食得多怕滯。因為叫半席，所以乳豬是半隻，真係細細隻的baby Pig ,皮燒得脆，又唔係淨得肥豬肉，而係有嫩滑爽口的豬肉，超好食的乳豬！碧綠珍珠帶子鳳片， 鳳片即是雞柳，珍珠帶子份量算適中，翠玉瓜爽口鮮甜，配埋紅色燈籠椒，賣相靚，整道菜味道清甜。東江走地雞半隻，都唔算細，啖啖肉，肉質滑，味道都有雞味。芹香腰豆蚌片， 用腰豆嚟炒菜，覺得有啲奇怪，所以最後大家都食淨曬啲腰豆，不過又唔係唔好食，只係好少食菜會用豆炒。蚌片份量都唔算少，好爽，西芹新鮮冇渣。脆奶拼蝦丸， 已經食咗幾粒先至影相，因為太吸引了煎炸嘢。蝦丸非常好味又爽口，似係炸蟹鉗口感的蝦丸。脆奶即是炸鮮奶，內裡 是密瓜味餡料，食落肚似食蜜瓜雪糕咁，好香好甜。菜粒蛋白炒飯，呢個飯媽咪都讚好好味，因為啲蛋白分佈均勻，每一啖都覺得好有蛋香，而且炒得夠乾身，菜
龍蝦新鮮，真係即刻喺魚缸撈上來的，即劏蒜蓉清蒸，蒜蓉味超香，龍蝦肉鮮甜又爽口，大大嚿啖啖肉，食半隻其實都夠，食得多怕滯。
因為叫半席，所以乳豬是半隻，真係細細隻的baby Pig ,皮燒得脆，又唔係淨得肥豬肉，而係有嫩滑爽口的豬肉，超好食的乳豬！
碧綠珍珠帶子鳳片， 鳳片即是雞柳，珍珠帶子份量算適中，翠玉瓜爽口鮮甜，配埋紅色燈籠椒，賣相靚，整道菜味道清甜。
東江走地雞半隻，都唔算細，啖啖肉，肉質滑，味道都有雞味。
芹香腰豆蚌片， 用腰豆嚟炒菜，覺得有啲奇怪，所以最後大家都食淨曬啲腰豆，不過又唔係唔好食，只係好少食菜會用豆炒。蚌片份量都唔算少，好爽，西芹新鮮冇渣。
脆奶拼蝦丸， 已經食咗幾粒先至影相，因為太吸引了煎炸嘢。蝦丸非常好味又爽口，似係炸蟹鉗口感的蝦丸。
脆奶即是炸鮮奶，內裡 是密瓜味餡料，食落肚似食蜜瓜雪糕咁，好香好甜。
菜粒蛋白炒飯，呢個飯媽咪都讚好好味，因為啲蛋白分佈均勻，每一啖都覺得好有蛋香，而且炒得夠乾身，菜粒又增加爽口感覺，好清，但係味道超好。
蠔皇鮑螺片燴菜膽，啲菜超清甜好新鮮，成碟菜我食咗半碟，蠔皇味道唔會太鹹，個汁整得非常好食，鮑螺片真係有鮑魚味，煙韌口感超正。
清蒸大海斑，半席的話，條魚會細條啲，不過蒸得超好食，火喉剛好，魚肉剛熟，一上桌就被搶光了。
金湯海皇羹， 即是龍蝦海鮮湯，南瓜湯底， 似西湯味道的中湯，味道真係好，因為用料充足，食落每一啖都有爽口嘅海鮮，真係食到龍蝦肉粒呢！
甜品其實即是當日每枱都會送的糖水，有南瓜西米露同紅豆沙，我揀南瓜西米露，因為煮得非常香甜，而且好多西米食。
除咗呢半席菜，我哋加咗龍蝦同埋羊腩煲，都係特價小菜，食得超級飽，而且送汽水啤酒，飲飽食醉，真係好開心！媽咪爸爸都覺得好滿意，覺得呢個餐好多嘢食，推介各位人多食飯嘅時候嚟。
半席加多兩位，兩位茶位和特價小菜要加一，埋單$1100,8人食飯咁豐富，超抵食。
Post
