榕記陳皮燒鵝 (永利大廈)

Open Now

Now Closed

成日睇youtube都有人介紹，但地點問題無乜機會試，今日咁岩出開尖沙咀有野搞，搞完就黎食個晚飯吧。尖沙咀店既榕記開左唔係好耐，環境都比較新淨，由於我下午5點黎到店內都唔算好多人，有張4人枱坐下，榕記除左燒味之外都仲有多款小菜同炒粉麵飯選擇，下午茶都仲有d特色包類，迎合唔同既客路。乳豬燒鵝飯門口見到有乳豬就叫個乳豬燒鵝飯吧，乳豬平時唔係周圍有得食，就算有都未必靚，先講講榕記最出名既燒鵝先，今日分到既係鵝胸位，比較多肉，燒鵝暖暖地皮都算少脆，鵝肉食落都算鬆化帶少少肥，有輕微陳皮味，不過都係加左酸梅醬會好食d，鵝黎講係算好食但未去到好驚豔，乳豬黎講我覺得仲好食，芝麻皮乳豬皮夠脆，又唔會好肥，肉質鬆軟無豬羶味，非常出色，飯方面算乾身，加埋鵝油撈飯絕配，另外比較特別係有d咸酸菜跟埋，食肉多有d咸酸菜食下解解膩。凍檸茶飯包熱飲，凍飲加3蚊，凍檸茶要少甜，都幾大杯，茶味普通，叫左少甜都唔會溝太多熱茶搞到溶晒d冰，而又做到又凍又真係少甜，水吧技巧都唔錯。整體而言榕記既燒味果然出色，尖沙咀黎講價錢定位唔算貴，講真我係天水圍元朗食都差不多價錢，如果我係附近返工真係會經常食，可惜今日見唔到成日網上見到既太