Video
Read full review
2022-03-10
771 views
得寶有三間賣燒味既店，呢間就比較大同埋感覺好似會好食同乾淨啲，每次行過都見幾多人幫襯，咁就叫老公買兩個燒味飯返屋企食，佢係包熱飲既。我叫老公買一個乳豬飯($65)，因為唔係到到有乳豬飯食。有九件乳豬，我其實好中意食乳豬，因為脆卜卜好香口，份量都還可以，肥瘦適中，正常發揮。跟飯有條菜同少量菜脯，飯煮得ok，起碼唔係佢樓上個間餐廳啲飯咁未煮熟，所以整體我覺得ok既。老公叫左燒鵝飯($53)呢間店既名有燒鵝兩字，明顯燒鵝係招牌啦，可能燒鵝貴，有一半分量係皮同骨，得三舊係有肉，感覺唔抵食。不過燒鵝鵝味係出既，但係佢唔算話燒好香，唔似其他燒味舖個啲有一種荔枝木燒嘅香味。整體而言都可以，味道正正常常，只係份量少左啲啲。見佢有金牌叉燒，下次可以試下，佢既燒味飯價錢算係正常，叉燒或雞飯外賣係$50有找，其他都係$50-70呢個range，包熱飲，中規中矩啦。.味道 ★ ★ ★ ☆ ☆環境 ★ ★ ★ ☆ ☆價錢 ★ ★ ★ ☆ ☆
我叫老公買一個乳豬飯($65)，因為唔係到到有乳豬飯食。有九件乳豬，我其實好中意食乳豬，因為脆卜卜好香口，份量都還可以，肥瘦適中，正常發揮。跟飯有條菜同少量菜脯，飯煮得ok，起碼唔係佢樓上個間餐廳啲飯咁未煮熟，所以整體我覺得ok既。
乳豬飯
$65
102 views
0 likes
0 comments
老公叫左燒鵝飯($53)呢間店既名有燒鵝兩字，明顯燒鵝係招牌啦，可能燒鵝貴，有一半分量係皮同骨，得三舊係有肉，感覺唔抵食。不過燒鵝鵝味係出既，但係佢唔算話燒好香，唔似其他燒味舖個啲有一種荔枝木燒嘅香味。整體而言都可以，味道正正常常，只係份量少左啲啲。
燒鵝飯
$53
75 views
1 likes
0 comments
見佢有金牌叉燒，下次可以試下，佢既燒味飯價錢算係正常，叉燒或雞飯外賣係$50有找，其他都係$50-70呢個range，包熱飲，中規中矩啦。
.
味道 ★ ★ ★ ☆ ☆
環境 ★ ★ ★ ☆ ☆
價錢 ★ ★ ★ ☆ ☆
Post
