文記金豬皇

Open Now

Now Closed

屋企間唔中都要買燒味拜神。今次試試長沙灣嘅新店。餐廳預先放咗燈帶、朱古力金幣同埋祝賀字句嘅紙牌。而佢哋仲會幫乳豬cosplay，聽講嚟緊仲有萬聖節🎃服裝。🥢聘禮金豬 $988原隻乳豬好巨型，拜神送禮都好得體☺️。豬皮燒得色澤均勻，啖啖都香脆鬆化。豬肉肥瘦均勻，軟腍易咬。既有油香，又充滿肉汁。乳豬內外都塗滿醃料，令豬肉本身嘅甜味更加突出。唔需要乳豬醬都夠味😋。餐廳亦有供應價錢經濟實惠嘅燒味飯。當日亦有唔少街坊購買午餐或者斬料加餸。下次會再幫襯👍🏻。