llaollao. (Closed)

經過地鐵站去時代廣場行街嘅時候咁啱見到樓下有一間乳酪雪糕,平時都比較少食，今日難得天氣幾熱，同朋友兩個人買來試吓先。到佢出咗芒果嘅新口味，而朋友又係有芒果當然一定會揀佢啦。另外見到佢嘅森林水果醫真係好特別所以都叫咗試吓。配料都幾多款式有新鮮嘅生果，見到佢色澤都幾靚。有士多啤梨，西瓜，藍梅，菠蘿等等各種各樣嘅水果佢都有。仲有更多唔同嘅配料好似餅碎同埋曲奇。令我覺得最正嘅喺呢度竟然有焦糖葵花籽，好少見乳酪雪糕會有佢，平時甜品就食過。另外仲有朱古力豆同埋白朱古力，脆脆等等唔同配料。呢邊仲有榛子醬，朱古力醬，等其他唔同比較甜嘅口味。當然唔少得有各種唔同嘅生果醬汁。有青蘋果，芒果草莓醬等等唔同嘅口味。朋友自己超鍾意食香蕉，配埋芒果味乳酪雪糕同酸酸地嘅生果醬，味道超級配合。朋友勁開心話周圍都好難搵到芒果味嘅乳酪雪糕呢度竟然有。佢就落咗小小朱古力脆脆。自己就叫咗朱古力醬味嘅原味乳酪雪糕，落咗小小葵花子仲有我最愛嘅士多啤梨。朱古力配埋士多啤梨真係完美，佢嘅乳酪雪糕好香，而且孫甜度適中。兩個人分享完一杯菜先再食一杯真係非常滋味而且仲勁大杯。