Video
Read full review
2019-07-28
112 views
今日去富昌邨見客做完嘢，聽講南昌站上蓋嘅V Walk，適逢今日新商場全面開放，於是同埋同事一齊去湊熱鬧。商場好大，人流好多，不少店舖放有新張花籃，行咗一陣見到呢間小富臨，望入店內，見裡面都幾大吓，又有新張優惠，反正要食飯，大家決定入去試試新嘢。店內燈光明亮柔和，有多種不同款式座位，牆上裝飾似餐牌滿天飛，幾得意。我哋都鍾意試新嘢，人多仲可以試多幾款食物。雀籠點心拼盤有三層最高一層係甜點榴槤酥，第二層係一咸一甜點心：旋風奶黃包、鮑魚雞粒酥，底層係蝦餃、燒賣、菜苗餃、野苗餃。天鵝榴槤酥好可愛，外皮非常酥脆，餡料榴槤味濃。由於點心每款只有兩件，所以蝦餃、燒賣、野苗餃無食，同事話好食唔錯。鮮蝦菜苗餃味道清新，爽口鮮味。鮑魚雞粒酥，外皮酥脆，餡料豐富惹味。旋風奶黃包，搣開流心奶黃就瀉出，滿有咸香，包身軟熟好味。燒乳鴿有新張優惠，7月31日前買一送一我哋叫兩隻送兩隻，即係每人可以食一隻呀，鴿肉入口軟腍多汁，味道鮮美，好好食。小貝浸菜苗，原來小貝係沙白，而菜苗係菜心，味道清新鮮甜，連湯汁都好好味。叫化雞原隻拎出嚟俾客人扑三吓，個槌仔係送俾個客架。然後拎入去拆開上碟，啲雞好香荷葉味，除咗雞件，有冬菇、雞
聽講南昌站上蓋嘅V Walk，
適逢今日新商場全面開放，
於是同埋同事一齊去湊熱鬧。
商場好大，人流好多，不少店舖放有新張花籃，
行咗一陣見到呢間小富臨，
望入店內，見裡面都幾大吓，
又有新張優惠，反正要食飯，
大家決定入去試試新嘢。
店內燈光明亮柔和，有多種不同款式座位，
牆上裝飾似餐牌滿天飛，
幾得意。
我哋都鍾意試新嘢，人多仲可以試多幾款食物。
雀籠點心拼盤有三層
最高一層係甜點榴槤酥，第二層係一咸一甜點心：
旋風奶黃包、鮑魚雞粒酥，
底層係蝦餃、燒賣、菜苗餃、野苗餃。
天鵝榴槤酥好可愛，外皮非常酥脆，
餡料榴槤味濃。
由於點心每款只有兩件，所以蝦餃、燒賣、野苗餃無食，
同事話好食唔錯。
鮮蝦菜苗餃味道清新，
爽口鮮味。
鮑魚雞粒酥，外皮酥脆，
餡料豐富惹味。
旋風奶黃包，
搣開流心奶黃就瀉出，
滿有咸香，包身軟熟好味。
燒乳鴿有新張優惠，7月31日前買一送一
我哋叫兩隻送兩隻，即係每人可以食一隻呀，
鴿肉入口軟腍多汁，
味道鮮美，好好食。
沙田燒乳鴿$29.8
11 views
0 likes
0 comments
小貝浸菜苗，原來小貝係沙白，
而菜苗係菜心，味道清新鮮甜，
連湯汁都好好味。
小貝浸菜苗
$78
7 views
0 likes
0 comments
叫化雞原隻拎出嚟俾客人扑三吓，個槌仔係送俾個客架。
然後拎入去拆開上碟，
啲雞好香荷葉味，
除咗雞件，有冬菇、雞腎同雞肝，
仲有一碟醬汁跟上。
雞肉嫩滑多汁，原汁原味。
頭100個點叫化雞嘅客人，可得一枝有編號嘅黃金槌，
我哋個枝係3號呀，
下次拎埋嚟食叫化雞有優惠。
蔥香燒腩無食到，聞落好香。
荷花蒸飯打開就荷香四溢，裡面有蝦仁、冬菇、堯柱，
飯粒軟熟，吸收晒材料嘅精華。
金屋藏鴿用雀籠上，內裡有三隻肥嘟嘟嘅鴿子，
其實係鳳梨酥變奏版，
皮酥餡香，唔錯。
今日開張，仲有特別節目，不過我哋趕時間無玩啦。
我哋入坐時仲有好多位，跟住好快爆滿，
門口仲有好多人等位。
Other Info. :
茶芥$6/位，10%服務費。
(The above review is the personal opinion of a user which does not represent OpenRice's point of view.)
Post
