Video
Read full review
2022-05-10
263 views
您個四眼收銀佬見我兩隻手抽住野叫我出門口沙塵滾滾曬住太陽熱屎辣辣罰企填張安心表先可以入座，唔可以等我放低野先低先慢慢填？全場得小貓三四隻食客，叫得我出門口就唔會返轉頭，得您一間食肆唔食唔得？附近間間茶記都排長龍所以能夠巧遇老友，算數照幫襯跟老友齊齊嘆個早餐吧！身水身汗火都黎﹗四眼收銀男黑臉無禮貌，永續零服務！職員開飯大過天，食客坐冷板無人理會。見餐牌寫著菠蘿飽、豬扒飽，食完一定飽？炸雞睥我真係從來未食過雞的脾臟，連見都未見過。楊州炒飯？鹽水泥猛？凍檸七，甜甜的汽水有著陣陣檸味增加食慾。沙嗲牛肉出前一丁，香氣獨特似曾相識，極爽彈滑滑不粉，即煮滾熱辣出爐，帶著洋蔥甜味的沙嗲汁，全熟牛肉嚥嚥韌韌。間歇性聞到似漂白水氣味，左望右望無發現，無理由係出前一丁，唔係筷子亦唔係檯面，真係唔清楚。雙太陽蛋，遲遲未到比出前一丁還要耐，成碗麵消滅才斯斯然到達，焦香微脆蛋白，暖暖黏滑蛋黃，美味佳餚。回鍋肉出前一丁，平淡的演繹，給我更多肉就更開心！筍多肉少，筍無渣但偏硬偏老，麵質爽爽沾著少許辛辣油啜得滿意。火腿奄列，蛋皮老到豆皮鞋烚烚乾爭爭，暖暖地求期塞晒入口吞掉，咸咸地火腿味。有即煎的感覺，蛋皮滴著微弱蛋汁還
身水身汗火都黎﹗四眼收銀男黑臉無禮貌，永續零服務！職員開飯大過天，食客坐冷板無人理會。見餐牌寫著菠蘿飽、豬扒飽，食完一定飽？炸雞睥我真係從來未食過雞的脾臟，連見都未見過。楊州炒飯？鹽水泥猛？
凍檸七，甜甜的汽水有著陣陣檸味增加食慾。
沙嗲牛肉出前一丁，香氣獨特似曾相識，極爽彈滑滑不粉，即煮滾熱辣出爐，帶著洋蔥甜味的沙嗲汁，全熟牛肉嚥嚥韌韌。間歇性聞到似漂白水氣味，左望右望無發現，無理由係出前一丁，唔係筷子亦唔係檯面，真係唔清楚。雙太陽蛋，遲遲未到比出前一丁還要耐，成碗麵消滅才斯斯然到達，焦香微脆蛋白，暖暖黏滑蛋黃，美味佳餚。
回鍋肉出前一丁，平淡的演繹，給我更多肉就更開心！筍多肉少，筍無渣但偏硬偏老，麵質爽爽沾著少許辛辣油啜得滿意。火腿奄列，蛋皮老到豆皮鞋烚烚乾爭爭，暖暖地求期塞晒入口吞掉，咸咸地火腿味。有即煎的感覺，蛋皮滴著微弱蛋汁還有咸彈腿絲。
炸雞髀，無得散叫炸雞髀。無得散叫淨炸雞髀一定要雞髀薯條，我唔食薯條要走薯條索價 $31 蚊。少見少見配以茄汁，極有兒時味道。炸得皮開肉綻乾爭爭，味道偏咸，外硬內嫩唔難食。
奶油脆豬仔包，竟然幾好味！外脆內鬆軟，煉奶甜甜，牛油咸香。不過實在做得太馬虎，求其一篤牛油一篤煉奶，完全無意識去搽均勻。熱熱香脆滲滿奶油，估不到的高質。
太陽蛋咖哩豬頸肉出前一丁，咖哩撈丁有湯？肯定四眼叔叔落錯單，為左食隻雞蛋話知你加 $8 蚊，錢唔係問題。豬頸肉爽彈油脂甘甜，醃味可口香香，港哩混出前一丁湯汁也不錯！
咖哩汁煎豬扒撈出前一丁，脆煎豬扒重口味，醃味濃厚還頂得住！微脆的外層有著焗豬的影子，豬甜鬆化有肉汁。麵條何解白烚不加湯粉煮呢？幸好麵質爽彈，掛滿辛甜咖哩汁狂惹地啜蠻不錯，捲埋豬扒更加美妙！
太陽蛋五香肉丁即食麵，食麵唔知麵貴！突然想食五香肉丁，已經唔係出前一丁誠惠 $38 蚊！大媽們夠鐘放飯話知您，擁晒去坐底慢慢嘆，等足碗麵十幾分鐘仲未到，遠望住放係水吧面無人理，我就睇下幾時先送貨。最後由剛上班少年端上，麵條浸到腍啤啤唔洗趙，趕時間直接跣落肚算膠數！
乾鞋硬五香肉丁份量也不少，約有 8 小粒。麵條全腍免強還夾得到不會斷，吸盡湯汁勁濕潤，兩三啖消滅，湯汁濃厚不淡夾著五香辛辣唔難食。太陽蛋，油油滑滑蛋白，黏黏強甜蛋黃，整隻啪入爆開暖暖的。
豬扒湯烏冬，咸咸鬆軟腍啤啤香口豬扒，香濃雞湯跟通粉湯一樣。即食烏冬無難度，拖拖滾湯享用，粉粉結實烚得不夠熟啊！我要太陽蛋雞扒烏冬，嬸嬸話食套餐價錢平少少喎，好啦好啦我信您，多謝。
誰知最後出場係豬扒烏冬，嬸嬸話雞扒無餐架，我比您激死，照食可也！成碗豬扒麵都食完超過 5 分鐘，我隻太陽蛋呢？嬸嬸自己走入水吧煎，水吧四眼佬一早閃去開飯話知您。比我安安樂樂食野唔能得既，食能到要我變身黑面小露寶！
煎蛋雞扒即食麵，我要煎蛋雞扒即食麵，即食麵，即食麵，我已經講三次！大媽問我要咩汁？心諗即食麵有汁架咩？那我要黑椒汁吧。最後黑椒雞扒飯上枱，我火都黎！點解係都唔比我食煎蛋雞扒即食麵啫？立即退貨再等10分鐘，望穿秋水終於送到。開價 $60 蚊即食麵連凍飲好貴喎！輕醃雞扒厚實帶汁，不乾不鞋，合格的質素。爽彈麵條，蛋黃掛麵滑嘟嘟甘甜可口，拖著濃湯熱辣辣品嚐。
太陽蛋腸仔墨魚海鮮卷辛辣麵，索價 $50 蚊的辛辣麵使我非常期待。何解辛辣湯清澈見底水汪汪呢？原來係白烚麵，湯粉全部浸底，要親自耐心地撈勻。熱腸香口結實多汁，不咸無怪味。墨魚海鮮卷微彈咸鮮，香口實淨。辛辣麵爽彈，湯汁辛辣刺激，狂啜熱騰騰夠暢快。
沙嗲牛肉湯通粉，大清早要我發脾氣！呆等成 15 分鐘什麼都未有得食，眼測水吧、大媽、包裝部個個都斯斯然食左幾斤豬油，我問阿姐到底得未？答熱檸茶煲緊，真係火上加火！火腿奄列沙嗲牛肉湯通粉要等茶煲好先可以比我食嗎？等到火滾終於有得食，加入沙嗲汁的雞湯更香濃可口，極腍啤啤味道濃濁牛肉片，通粉平庸普通。
太陽蛋芝士龍蝦沙律球辛辣麵，如何能賣到 $60 蚊碗迷你辛辣麵？食晒飲晒都唔夠攝牙罅，半片卡夫芝士一隻太陽蛋兩粒龍蝦沙律球。炸沙律球點食都係似蟹子海膽丸，外皮香口彈彈像魚蛋，裡面流心沙律醬沒有一丁點龍蝦。芝士一向跟辛辣麵很夾，辣中帶咸又帶甜，讓彈滑麵條拖著入口份外滋味！
沙嗲牛肉出前一丁
8 views
0 likes
0 comments
沙嗲牛肉出前一丁
11 views
0 likes
0 comments
雙太陽蛋
4 views
0 likes
0 comments
回鍋肉出前一丁
6 views
0 likes
0 comments
火腿奄列
1 views
0 likes
0 comments
火腿奄列
5 views
0 likes
0 comments
炸雞髀
8 views
0 likes
0 comments
炸雞髀
4 views
0 likes
0 comments
奶油脆豬仔包
19 views
0 likes
0 comments
奶油脆豬仔包
1 views
0 likes
0 comments
太陽蛋咖哩豬頸肉出前一丁
5 views
0 likes
0 comments
太陽蛋咖哩豬頸肉出前一丁
4 views
0 likes
0 comments
咖哩汁煎豬扒撈出前一丁
1 views
0 likes
0 comments
咖哩汁煎豬扒撈出前一丁
3 views
0 likes
0 comments
太陽蛋五香肉丁即食麵
8 views
0 likes
0 comments
太陽蛋五香肉丁即食麵
3 views
0 likes
0 comments
太陽蛋
1 views
0 likes
0 comments
豬扒湯烏冬
13 views
0 likes
0 comments
煎蛋雞扒即食麵
9 views
0 likes
0 comments
煎蛋雞扒即食麵
15 views
0 likes
0 comments
太陽蛋腸仔墨魚海鮮卷辛辣麵
0 views
0 likes
0 comments
太陽蛋腸仔墨魚海鮮卷辛辣麵
10 views
0 likes
0 comments
奶油脆豬仔包
1 views
0 likes
0 comments
火腿奄列
0 views
0 likes
0 comments
火腿奄列
5 views
0 likes
0 comments
沙嗲牛肉湯通粉
2 views
0 likes
0 comments
沙嗲牛肉湯通粉
0 views
0 likes
0 comments
太陽蛋芝士龍蝦沙律球辛辣麵
2 views
0 likes
0 comments
太陽蛋芝士龍蝦沙律球辛辣麵
6 views
0 likes
0 comments
Post
