巴打冰室

Open Now

Now Closed

晚飯不想在家煮，於是兩口子便到附近的茶記用膳，試試這間望落去都乾淨企理的巴打冰室。地方都算大，而具座位唔會太迫。可能平日晚市的關係，客人唔算多唔駛等位。叫了一個特餐D，白汁芝士豬扒撈公仔麵（配煙肉火腿炒蛋及迷你豬仔包）同埋 牛柳粒配肉醬意粉。火腿炒蛋、奶油豬都無正正常常無特別（睇番相同餐牌，先發覺無左煙肉）撈公仔麵就比較大鑊... 首先公仔麵比較濕同淋，唔夠爽；另外個汁相當一般，唔夠芝士味，亦都撈唔到入公仔麵同豬扒入面，比較失色。反而個牛柳粒肉醬意粉比較出色，牛柳粒剛剛好，香口惹味又夠淋身之餘，一D都唔韌，好評！肉醬意粉正常水位。整體黎講都滿意，可以再encore個牛柳粒意，同俾多次機會試下其他野食。