漁舍酸菜魚 (Closed)

個人對環境非常有要求，每次食飯都好注重枱面油唔油膩，地下乾唔乾淨✨。嚟到漁舍酸菜魚專家，見到店面好乾淨，地板冇癡笠笠，就好安心💖每枱都叫既招牌酸菜魚:味濃又唔膩，酸度啱啱好。大量酸菜同辣椒，材料超級豐富🙌🏾。魚柳嫩滑，肉質飽實，啲酸辣湯入晒魚柳嘅肉入面，食落辣得開胃，酸得醒神😎😎餐牌推介既川味辣子雞:辣度適中，入口有酥麻感覺，非常之刺激味蕾。辣子雞肉質表面乾身，咬落有不少既肉汁，食埋香脆既花生同芝麻，脆口又滋味😋😋店員誠意推介老乾媽鴨胸:老乾媽果然名不虛傳🤩，唔好辣既朋友都食到停唔到口，鴨胸肥美🤤又唔會太油膩，鴨油仲好甘香添，送到兩碗白飯，正呀！食緊嘅期間見到店員好乾淨✨，每張枱都仔細用消毒用品清潔，讚！每碟餸菜都煮得好出色，麻辣味又夠正，真心推薦💗！