Video
Read full review
2020-09-23
347 views
喺Openrice訂咗星期二5pm特惠場$178+10%埋單唔使二百蚊一個人、呢個時間真係冇乜人連埋我哋得三枱客！由於太冷清，員工收碟同服務都九秒九而且有禮貌。⬇️入餐廳會探體溫、之後話俾你聽食110分鐘而完結前30分鐘截單。其實時間好充足，用QR code自己喺電話落肉類海鮮甚至部份熱食既Order、基本上肉類一入Order轉頭就已經上枱，而熱食即刻炸就要等一陣！汽水甜品同埋湯加部份菜式出面可以任拎。⬇️講返啲肉、有啲望落去好靚有啲就色水一般。我覺得最好味係厚切豬腩肉，但係好油所以佢燒嗰陣時好搶火要小心、牛肉同埋豬肉都唔會好un而海鮮類啲蝦都唔梅幾好食，試咗扇貝同埋帶子都唔差。⬇️熱食方面非常推薦炸魷魚鬚，真係好大條好新鮮而且味道啱啱好、炸雞就細細舊冇乜特別，韓式炸餃子就係超級市場買返嚟一包嗰D非常一般。出面擺食物嗰個位都有蔬菜類或者粟米腸仔比你燒、但我自己就冇攞過！有中式湯同一個好似雞湯都飲得下，其他仲有沙律、醉雞翼或者蟹子蟹柳蘋果沙律亦都有硽青瓜等等不過就唔夠濃味。甜品嘅泡芙同果撻都有試、果撻就淋既唔好食。部咖啡機初時整唔到咖啡，啲員工都會細心去Fix個問題整返好再幫你沖 ⋯ 唔會視而
⬇️
入餐廳會探體溫、之後話俾你聽食110分鐘而完結前30分鐘截單。其實時間好充足，用QR code自己喺電話落肉類海鮮甚至部份熱食既Order、基本上肉類一入Order轉頭就已經上枱，而熱食即刻炸就要等一陣！汽水甜品同埋湯加部份菜式出面可以任拎。
⬇️
講返啲肉、有啲望落去好靚有啲就色水一般。我覺得最好味係厚切豬腩肉，但係好油所以佢燒嗰陣時好搶火要小心、牛肉同埋豬肉都唔會好un而海鮮類啲蝦都唔梅幾好食，試咗扇貝同埋帶子都唔差。
⬇️
熱食方面非常推薦炸魷魚鬚，真係好大條好新鮮而且味道啱啱好、炸雞就細細舊冇乜特別，韓式炸餃子就係超級市場買返嚟一包嗰D非常一般。出面擺食物嗰個位都有蔬菜類或者粟米腸仔比你燒、但我自己就冇攞過！有中式湯同一個好似雞湯都飲得下，其他仲有沙律、醉雞翼或者蟹子蟹柳蘋果沙律亦都有硽青瓜等等不過就唔夠濃味。
甜品嘅泡芙同果撻都有試、果撻就淋既唔好食。部咖啡機初時整唔到咖啡，啲員工都會細心去Fix個問題整返好再幫你沖 ⋯ 唔會視而不見所以服務唔錯！
⬇️
⬇️
其實呢間餐廳個位置係有D奇怪、我覺得係Popcorn設計嘅問題！佢要喺一樓行去一邊轉電梯上黎PopFood先搵到，但係PopFood得翠園同呢間Running燒又唔係Food court、所以好多人都唔會起眼有一間韓燒。有陣時啲餐廳你經過會突然間想食，但係呢一間其實你去到Popcorn都唔知道有佢嘅存在、餐廳出面見到樓下扶手電梯 ⋯ 但係佢偏偏唔駁埋上呢一層！希望佢都做得住啦、近近地可以一試！
Post
