Video
Read full review
2021-05-31
7560 views
有條友仔專登開車送我去銅鑼灣話食好嘢，點知去到見到係『韓和』一睇就知道係漢陽苑嗰Friend喇，我即刻O嘴話要走喇！大佬，香港島大把嘢食仲咩嘢要食呢個吖？但朋友話好肚餓，堅持話要食，唔想再周圍走等位嘅情況下，我屈服咗！任食任燒任飲，收費大約係$188-。環境出奇地大，亦都出奇地乾淨。就算係四人雅座都係屬於好寬鬆嘅。食物大致上分為：炸物、水果、甜品、前菜沙律、熟食、湯品、壽司剌身及燒烤區。炸物區都有幾多嘢食：有年糕、海鮮煎餅、多春魚、天婦羅等等。壽司剌身只有兩款卷物、火炙三文魚及三文魚壽司。唔使睇啦百幾蚊消費係得一款三文魚剌身，不過好肯定都幾肥美，而且都補得好快，一定夠食。前菜沙律水果區唔介紹喇，都係嗰啲基本野。當日見好多台嘅食客呢，大部份都唔係香港人，個個都好食得㗎。全部都夾一盤盤西瓜🍉、橙🍊、菠蘿🍍。見啲人食完一盤有一盤真係好鬼誇張！甜品有綠豆沙及豆腐花，原本都想試下豆腐花嘅，但係真係食得太飽，我放棄咗。湯品有三款：中式老火湯、人蔘雞湯、韓國海鮮辣湯。 人蔘雞湯好好飲，我差唔多飲咗四碗。熱盤就唔係好多款，大約只有5款，比較特色啲又好食嘅就
任食任燒任飲，收費大約係$188-。環境出奇地大，亦都出奇地乾淨。就算係四人雅座都係屬於好寬鬆嘅。食物大致上分為：炸物、水果、甜品、前菜沙律、熟食、湯品、壽司剌身及燒烤區。
炸物區都有幾多嘢食：有年糕、海鮮煎餅、多春魚、天婦羅等等。
壽司剌身只有兩款卷物、火炙三文魚及三文魚壽司。唔使睇啦百幾蚊消費係得一款三文魚剌身，不過好肯定都幾肥美，而且都補得好快，一定夠食。
前菜沙律水果區唔介紹喇，都係嗰啲基本野。當日見好多台嘅食客呢，大部份都唔係香港人，個個都好食得㗎。全部都夾一盤盤西瓜🍉、橙🍊、菠蘿🍍。見啲人食完一盤有一盤真係好鬼誇張！
甜品有綠豆沙及豆腐花，原本都想試下豆腐花嘅，但係真係食得太飽，我放棄咗。
湯品有三款：中式老火湯、人蔘雞湯、韓國海鮮辣湯。 人蔘雞湯好好飲，我差唔多飲咗四碗。
熱盤就唔係好多款，大約只有5款，比較特色啲又好食嘅就係韓國炒粉絲及傳統嘅豬腳薑。由於我唔食豬腳薑嘅，所以我唔知道好唔好食，但係我見我朋友食咗幾碗，你可能真係好鍾情呢樣嘢食。
主食就同漢陽苑一樣，有牛有豬有雞有牛舌有魷魚有墨魚有雞腎有魚有菇有菜有年糕。牛類就特別多，淨係牛仔骨都有兩款，味道都唔同。其實食物質素係唔差嘅，我都食咗好多唔同嘅牛。
其實百幾蚊都真係幾抵食，不過因為漢陽苑嘅陰影，所以會抗拒都唔奇！想平平哋食餐飽飽哋嘅，呢個都係一個好選擇！
Post
