Paws Planet X Pet Pet 360 (Moved) New Location

裝修比較精緻嘅餐廳，餐廳入邊枱唔多，主打係有7-8隻貓貓嘅Cafe。堂食同外賣嘅價錢差差唔多一半咁多，不過堂食就可以親近貓貓。舖頭提供鞋套同消毒酒精，同貓貓玩嘅時候，客人都會帶住口罩，衛生同乾淨方面都做得好好。本身以為貓貓cafe會有好多貓毛飄黎飄去，但實際無呢個問題。堂食食物都用外賣包裝，雖然係因為驚啲貓貓偷食，但都非常唔環保。食物份量唔多，味道還好，但價錢偏貴。堂食價格包含1小時與貓貓互動嘅時間。