華苑餐廳

Open Now

Now Closed

餐廳位於錦田中心，有室外同室內嘅位置，馬路對面有一個細細地屬於餐廳嘅停車場，因為錦田中心泊車都唔算方便，所以呢個細細地嘅停車場，對餐廳嘅生意嚟，有一定嘅幫助。呢日一行二人就嚟到諗住食晏，餐牌其實都有好多選擇，不過我哋兩個人都係揀左“精選午餐”上邊嘅自選鹹蛋四寶飯，燒鴨、叉燒、紅腸拼鹹蛋，飲熱奶茶 ($45)，朋友就配凍咖啡 (+$3)。四寶飯望落都幾色彩繽紛，不過……首先，飯身本身偏硬，亦都冇醬汁；燒鴨味道ok，不過肉質都幾實；叉燒反而食落口感比望落軟身，但係太瘦。紅腸食得出係比一般凍肉舖買嘅再次一等嘅貨色，味道偏鹹，而且有碎軟骨。鹹蛋黃雖然個蛋黄都算大，但係感覺好乾，無咩鹹蛋味。呢碟飯一邊食一邊會覺得偏硬同乾，要一路飲嘢先至可以繼續。不過杯熱奶茶亦好一般，有茶色，不過唔夠茶味同奶味。而且呢度嘅侍應個個感覺好酷，唔係好想應你咁，所以食物同服務，都畀我一種乾同硬嘅感覺。