Video
Read full review
2023-12-23
185 views
老細食鱔日記🪱3 食太多鱔🪱唔知係咪會痴線，思緒紊亂，老細最近成日話自己似姜濤，我盡量用尹天仇借視線嘅方法，終於發現兩個共通點，一個係肥，拍得住年少阿姜，另一個係新歌岩巉。世上只得佢一個未懷疑佢荒謬。除咗想法古怪，行為仲怪，成日將啲野亂咁dum。清潔姐姐仲話因為咁亂想辭職。可想而知亂嘅程度就同呢一個虎蝦海鮮混亂杯麵一樣，倒瀉籮蟹咁。 🍖不過混亂杯麵，絕對喺造型而唔喺真實混亂，睇社交平台就見到不知幾多人用佢黎打卡。而且味道相當好，質地絕對同泰國杯麵如出一轍，再加上辣醬汁，辣得好過癮，而且真係有好多海鮮，青口，魷魚，最緊要喺大大隻既虎蝦，全部都好入味。要做到倒瀉既視覺效果，個紙杯装飾功不可沒，而且上面真係寫住佢地店名，所以製作真係好認真。喺真正嘅色香味俱全。 🍺與此同時，我點左牛油果沙冰，所以一啲都唔怕個麵好辣。而且你睇，杯嘢真係真材實料，首先用半個牛油果做成沙冰，另外果半個就放係面，咁除左靚之外，你仲可以確定到用黎做沙冰嘅牛油果質素。呢份自信，喺客觀嘅，唔係好似食鱔老細🪱咁，自以為是。飲完杯野，等於食左一個牛油果。成個人健康哂！ 🍖再黎一個原個椰子雪糕，除左上面既冰士多啤梨同粟米，仲有入
食太多鱔🪱唔知係咪會痴線，思緒紊亂，老細最近成日話自己似姜濤，我盡量用尹天仇借視線嘅方法，終於發現兩個共通點，一個係肥，拍得住年少阿姜，另一個係新歌岩巉。世上只得佢一個未懷疑佢荒謬。除咗想法古怪，行為仲怪，成日將啲野亂咁dum。清潔姐姐仲話因為咁亂想辭職。可想而知亂嘅程度就同呢一個虎蝦海鮮混亂杯麵一樣，倒瀉籮蟹咁。
🍖不過混亂杯麵，絕對喺造型而唔喺真實混亂，睇社交平台就見到不知幾多人用佢黎打卡。而且味道相當好，質地絕對同泰國杯麵如出一轍，再加上辣醬汁，辣得好過癮，而且真係有好多海鮮，青口，魷魚，最緊要喺大大隻既虎蝦，全部都好入味。要做到倒瀉既視覺效果，個紙杯装飾功不可沒，而且上面真係寫住佢地店名，所以製作真係好認真。喺真正嘅色香味俱全。
🍺與此同時，我點左牛油果沙冰，所以一啲都唔怕個麵好辣。而且你睇，杯嘢真係真材實料，首先用半個牛油果做成沙冰，另外果半個就放係面，咁除左靚之外，你仲可以確定到用黎做沙冰嘅牛油果質素。呢份自信，喺客觀嘅，唔係好似食鱔老細🪱咁，自以為是。飲完杯野，等於食左一個牛油果。成個人健康哂！
🍖再黎一個原個椰子雪糕，除左上面既冰士多啤梨同粟米，仲有入面既藍莓同最緊要係椰殼邊既椰肉，新鮮低脂又清新。
🍺✨️配埋Gin Tonic其實好夾，佢杯面有燒檸檬同食用花做裝飾，估唔到其中一粒味都冰凍左食用花係入面，餐廳都做到出色既cocktail。
食鱔老細唔知邊一日會覺醒，我唯有多d黎呢度，痲醉自己，其實亂中必定有序！
Post
