了不起 (Closed)

了不起水果翡翠（$36）入面果肉有熱情果、蘋果、紅心芭樂同蘆薈（第一次飲有原粒蘆薈嘅水果茶！微甜帶爽嘅蘆薈令水果茶嘅口感更豐富。）。生果已經切成細粒，唔使好似其他水果茶店咁要等最後揭開蓋先食到生果。水果茶亦唔會太甜，係健康又清新嘅味道，唔會飲到好假嘅糖水味。黑糖珍珠奶茶（$25）珍珠口感相比其他嘅台式飲品店更煙韌同有味，紅茶底茶味濃厚。奶蓋翡翠（$30）上面嘅海鹽芝士粒粒奶蓋係由原條cream cheese製成，所以你會飲到一粒粒嘅芝士同好濃而且好厚嘅奶蓋（竟然飲到最底仲有奶蓋！）。芝士奶蓋加茶嘅味道幾新奇，雖然有芝士，但同茉莉花綠茶一齊飲就balance翻唔會過鹹或過膩，有種好神奇嘅吸引力令你一直飲落去。