Video
Read full review
2008-11-01
14 views
HALLOWEEN 銅鑼灣銅鑼灣東京和食!http://hk.myblog.yahoo.com/goodboy_philip/article?mid=31159銅鑼灣一向都好多日本野食, 今次食左咩? 去左成兩年幾無去過既 Time Square "東京和食"! 0個陣食左一個 "澳洲西冷牛肉日式火鍋" D 牛肉真係幾好味! 事隔兩年又如何呢? 好唔好食, 又睇落去?地址: 銅鑼灣勿地臣街1號時代廣場食通天13樓 呢個就係兩年前食既澳洲西冷牛肉日式火鍋, 涮牛肉半生熟鮮甜得很!牛油果芒果蟹肉卷: 無黎兩年 D 食物 size 縮左水, 比之前更 "精緻"...味道亦平庸得很...魚餃石窩: d 魚皮唔知係咪會吸水呢, 吸得好肥 woh! 仲有 d 魚腩 feel! 下層既魚肉雖然唔算腥, 不過我都要一啖 "骨碌" 吞左佢先得! 特色沙津: 原本係叫魔竽沙津既, 不過賣哂! 個 waitress 後尾拎住個玻璃樽黎, 入面放左一 "炸" 菜, 0係我地面前係咁搖! 澳洲西冷牛肉涮涮窩: 同之前黎食既牛肉有 D 唔同, 個窩靚左; 碟牛花紋少左, 唔緊要, 試一試或者好味?! 半生熟牛
http://hk.myblog.yahoo.com/goodboy_philip/article?mid=31159
銅鑼灣一向都好多日本野食, 今次食左咩? 去左成兩年幾無去過既 Time Square "東京和食"! 0個陣食左一個 "澳洲西冷牛肉日式火鍋" D 牛肉真係幾好味! 事隔兩年又如何呢? 好唔好食, 又睇落去?
地址: 銅鑼灣勿地臣街1號時代廣場食通天13樓
呢個就係兩年前食既澳洲西冷牛肉日式火鍋, 涮牛肉半生熟鮮甜得很!
牛油果芒果蟹肉卷: 無黎兩年 D 食物 size 縮左水, 比之前更 "精緻"...味道亦平庸得很...
魚餃石窩: d 魚皮唔知係咪會吸水呢, 吸得好肥 woh! 仲有 d 魚腩 feel! 下層既魚肉雖然唔算腥, 不過我都要一啖 "骨碌" 吞左佢先得!
特色沙津: 原本係叫魔竽沙津既, 不過賣哂! 個 waitress 後尾拎住個玻璃樽黎, 入面放左一 "炸" 菜, 0係我地面前係咁搖!
澳洲西冷牛肉涮涮窩: 同之前黎食既牛肉有 D 唔同, 個窩靚左; 碟牛花紋少左, 唔緊要, 試一試或者好味?! 半生熟牛見紅之下, 味道還可以...既! 不過以前既質素差天共地!
當年好食好多呢...全因為呢碟牛同環境我先再黎試下啊...誰知失手了...
天婦羅烏冬: 掃哂成個烏冬! 講你都唔信, 最好食既係塊菇! 因為菇菇炸得 一 D 都唔乾, 或者炸到硬哂!
唔覺唔覺, 傾下笑下食到打烊! wakaka...埋單三百幾!
環境: 3.5 (裝潢燈光算舒適, "L" 字型既擺位 for 兩人位就不太好...相信塌塌米好坐 d!)
衛生: 3 (不見黑色轟炸機, 環境乾淨, 男洗手間要換紙啊!!! )
服務: 3 (book 枱改時間都爽快應承, serve 細心叫小心梯級, 有禮貌! 係曾經送錯兩碟野食黎!)
設計: 3 (menu d 相同文字設計清淅簡單易睇, 野食比以前選擇少左好多! )
味道: 2 (呢餐味道整體兩粒...至多兩粒半!)
價錢: 2 (銅鑼灣同價選擇更多!)
最終評分: (2.5) 環境傾計都唔錯, 野食就 so so 了...今次揀日本野食 "失手" 了!
P.S. 睇番影既相, 真係退哂步, 又手震, 又無擺位...無寫一牌 BLOG, 生梳哂...會慢慢 "pick up" 番啦!
日本,東京,CWB,銅鑼灣, 東京和食,好孩子,HALLOWEEN
Post
