Video
Read full review
2023-12-18
39 views
見社交平台有foodie介紹，lunch就同同事去試，一試就個個都變曬試伏器。手機落單，同枱4位都係揀飯，點知等等下，男職員問：「有冇人嗌飯？而家要轉麵，因為啲飯唔得」然後，再講：「要加$4」下？What?我回答：「點解你比唔到我點既飯，我要另加$4比你？」男職員回覆：「因為兩種唔同野」再補多句：「你要唔要丫？」基於佢已經上曬4杯每杯要加$12既餐飲，如果唔要，我咪要比每杯單叫既價錢？點解我要用4位$4去承受你既失誤？！（因全枱人都叫左飯）再加插，職員喺我地面前試佢地所謂「唔得」既飯，話「有啲硬」，「落唔夠水」即係咁，開業都有一段時間但點解都仲未煮好一煲好飯呢？另外，我唔會因為以上問題而左右我去評論食物質素，但……食物質素如下：牛三寶撈粗，啲餸好咸，真係得咸字。撈粗就因為啲牛汁落左啲麵度，又係咸到喊。60度慢煮鴨，的而且確鴨肉係好嫩，但就係冇味既。全餐最好食係隻蛋
手機落單，同枱4位都係揀飯，點知等等下，男職員問：「有冇人嗌飯？而家要轉麵，因為啲飯唔得」
然後，再講：「要加$4」
下？What?
我回答：「點解你比唔到我點既飯，我要另加$4比你？」
男職員回覆：「因為兩種唔同野」再補多句：「你要唔要丫？」
基於佢已經上曬4杯每杯要加$12既餐飲，如果唔要，我咪要比每杯單叫既價錢？
點解我要用4位$4去承受你既失誤？！（因全枱人都叫左飯）
再加插，職員喺我地面前試佢地所謂「唔得」既飯，話「有啲硬」，「落唔夠水」
即係咁，開業都有一段時間但點解都仲未煮好一煲好飯呢？
另外，我唔會因為以上問題而左右我去評論食物質素，但……食物質素如下：
牛三寶撈粗，啲餸好咸，真係得咸字。撈粗就因為啲牛汁落左啲麵度，又係咸到喊。
60度慢煮鴨，的而且確鴨肉係好嫩，但就係冇味既。
全餐最好食係隻蛋
5 views
0 likes
0 comments
Post
