Video
Read full review
2019-04-25
485 views
熱愛食火鍋既我要捉緊冬天尾巴，趁住落雨有小小濕凍，即去食個火鍋暖一暖先。二一八火鍋餐館位於佐敦，交通便利，係地鐵站E出口只需行2分鐘就到達。餐廳有獨立箱房，可以一大班人食野打麻雀；如果3-4人唔包房亦可以坐卡位，卡位設有小型電視，好周到。
侍應姐姐告知餐廳唔止有邊爐打，仲有小菜食，不過都動搖唔到我打邊爐既決心。湯底未滾時，我叫左碟蛋黃流心墨魚丸。每粒墨丸都包住半粒咸蛋黃，再用滾油炸至外皮金黃，超香口，但亦有d熱氣。湯底我揀左胡椒豬肚雞湯，豬肚份量多，雞足足有半隻，加埋越煲越出味既胡椒，食完成身暖返哂～侍應姐姐推薦我地叫一份海鮮超值套餐，仲送送蔬菜瓜盆。$268就試到海斑片、脆肉骨腩、魷魚片、帶子、海蝦。呢盤海鮮食落好新鮮，當中我最喜愛帶子，因為原粒上夠哂厚肉彈牙。斑片亦係又爽又滑，只可惜得4片，唔夠喉啊！蔬菜瓜盆即使係免費既亦唔馬虎，有生菜、油麥菜、白蘿蔔、粟米。打邊爐又點可以唔食肉呢？姐姐就提議我地加購超值孖寶配搭 - 一碟試齊5款肉既拼盤，岩哂有選擇困難症既朋友！拼盤包括: 美國極品安格斯牛小排、美國特級安格斯牛頸脊、美國頂級肥牛、中國黑草羊肉片、極品黑豚肉。我最鐘意牛頸脊，因為佢
二一八火鍋餐館位於佐敦，交通便利，係地鐵站E出口只需行2分鐘就到達。
餐廳有獨立箱房，可以一大班人食野打麻雀；如果3-4人唔包房亦可以坐卡位，卡位設有小型電視，好周到。
侍應姐姐告知餐廳唔止有邊爐打，仲有小菜食，不過都動搖唔到我打邊爐既決心。
湯底未滾時，我叫左碟蛋黃流心墨魚丸。每粒墨丸都包住半粒咸蛋黃，再用滾油炸至外皮金黃，超香口，但亦有d熱氣。
湯底我揀左胡椒豬肚雞湯，豬肚份量多，雞足足有半隻，加埋越煲越出味既胡椒，食完成身暖返哂～
侍應姐姐推薦我地叫一份海鮮超值套餐，仲送送蔬菜瓜盆。$268就試到海斑片、脆肉骨腩、魷魚片、帶子、海蝦。
呢盤海鮮食落好新鮮，當中我最喜愛帶子，因為原粒上夠哂厚肉彈牙。斑片亦係又爽又滑，只可惜得4片，唔夠喉啊！
蔬菜瓜盆即使係免費既亦唔馬虎，有生菜、油麥菜、白蘿蔔、粟米。
打邊爐又點可以唔食肉呢？姐姐就提議我地加購超值孖寶配搭 - 一碟試齊5款肉既拼盤，岩哂有選擇困難症既朋友！
拼盤包括: 美國極品安格斯牛小排、美國特級安格斯牛頸脊、美國頂級肥牛、中國黑草羊肉片、極品黑豚肉。我最鐘意牛頸脊，因為佢油脂分布平均，食落嫩滑又有濃濃肉香，每片淥10秒就食得啦～
另外，我散叫左響鈴同手打牛肉丸。
響鈴係新鮮即炸，淥2-3秒食既索到少少湯汁，亦保留到脆既口感。
手打牛肉就麻麻地了，有一陣肉羶味。
兩個人食咁多海鮮、肉類同小食，埋單都只係$831，真係超抵食！
Post
