Nathanhouse (Closed)

星期日放假當然要同老公食下西餐2人世界一下，今次黎Nathan House，係由前四季總廚坐鎮的西餐廳。呢度員工好親切，服務超好，環境又舒適👍🏻餐包每人可選2款。我地分別擇左薄脆、芝麻包，意大利軟包同香草包，可自由配搭黑醋、橄欖油或牛油，包十分鬆軟，好食！前菜點左個煙三文魚波波拼吞拿魚波波有2個波係三文魚，1個係吞拿魚波煙三文魚波入面係包住藜麥，口感特別，外軟內脆感，好fresh 既感覺。而吞拿魚魚波入面放左的吞拿魚蓉同小量青芥末沙律醬，呢個就口感細滑，魚味甘香。主菜點左10安士肉眼扒肉眼扒大大塊，叫左5成熟，口感剛剛好，肉質鮮嫩，牛肉味香濃，肉扒有小小肥，不過肥油分佈適中，沾芥末醬同食，正呀！仲有焗香蒜作為伴菜，食完都唔覺膩。另一主菜叫左法國鵪鶉半隻釀伊比利亞黑毛豬火腿雜菌蓉半熟蛋鵪鶉肉第一次食，估唔到肉質嫩滑，加入左大量黑毛豬火腿雜菌蓉同藜麥，好特別，黑毛豬火腿既鹹香再加上健康充滿嚼感既藜麥同食，口感層次豐富。唔好睇佢得半隻 ，藜麥既纖維令到好滿足好有飽肚感嫁😆加埋半熟鵪鶉蛋點綴，呢個菜式值得一試👍🏻👍🏻