燒肉King (Closed)

同細妹二人喺附近行完街搵嘢食，喺外面見到二人有埋和牛都係四百幾蚊，入去試一試。極上二人盛合 $498佢第一個上嘅就係沙律，沙律有兩款。煙三文魚蕃茄黑醋沙律，同埋另一個胡麻醬仿蟹柳豆腐沙律。妹妹唔食三文魚所以順理成章啱啱好，沙律菜新鮮爽口，做一個頭盤唔錯。今日個湯係蕃茄湯，蕃茄味道濃有少少牛肉。個白飯好好食，因為佢係用日本富山米，粘粘地每粒米都圓轆轆。燒肉拼盤，每人每一款都兩件。色澤都唔錯，有雞有牛有豬。黑毛和牛牛肩胛，肉味豐富。口感豐富但係肉質又唔會過分結實。另外一個大大塊嘅就係日本黑毛和牛肉眼好大塊，見到油脂分佈都好平均。依個肉質就比牛肩胛更加林，但係相對地肉味就冇咁濃，口感就比較滑。總括嚟講四百幾蚊一個套餐真係好抵食，餐廳空間感大，唔會因為燒肉餐廳而好大油煙味，抽風做得唔錯，QR code落單亦都好方便。