Video
Read full review
2021-07-05
110 views
一開始見到咁多人喺鋪頭外面等位都估到要等好耐，當晚仲要係落雨天，門口無瓦遮頭，搞到我同友人好似落湯雞咁喺外面呆等左20分鐘先入到去。心情已經忟忟地，上到2樓見到環境狹窄又嘈吵，心諗都係快快趣食完就走，可以話我一開始對呢間餐廳嘅印象係極差，叫左野食之後，先有閒情逸志去留意店內嘅裝潢，發現店主都幾有心，擺左好多復古嘅鐵牌同舊式海報喺牆身同走廊，鍾情復古事物嘅朋友一定會有驚喜！食物方面，我地兩個人總共嗌左2碗拌麵(圖中為筆者點嘅鴨血冬菇拌麵)，2碟小食，各自叫左1杯餐飲。整體嚟講，食物質素不過不失，無甚驚喜，可取嘅係食物款式多，好似車仔麵咁有好多款任君選擇。另外，食物價錢喺銅鑼灣一帶算平；但值得改善嘅就係：味道偏濃(咸)，份量略嫌少(我同友人都係女士，所以男士可能唔夠食)。總括而言，如果係2個人想平平地食下台式晚餐(多過2個人就唔推薦了)，又唔介意要排隊嘅話，呢間餐廳會幾適合你地！
食物方面，我地兩個人總共嗌左2碗拌麵(圖中為筆者點嘅鴨血冬菇拌麵)，2碟小食，各自叫左1杯餐飲。整體嚟講，食物質素不過不失，無甚驚喜，可取嘅係食物款式多，好似車仔麵咁有好多款任君選擇。另外，食物價錢喺銅鑼灣一帶算平；但值得改善嘅就係：味道偏濃(咸)，份量略嫌少(我同友人都係女士，所以男士可能唔夠食)。
總括而言，如果係2個人想平平地食下台式晚餐(多過2個人就唔推薦了)，又唔介意要排隊嘅話，呢間餐廳會幾適合你地！
Post
