噹噹燒 (Closed)

男朋友對日式燒餅好有興趣，所以就同佢去喱度試下。鋪頭地方雖然唔大，但係感覺同氣氛都好好，令人覺得好舒服，relax。我o地坐係bar檯，叫左果度個姐姐介紹o既二人套餐，之後就拎左放係度任人睇o既漫畫，邊睇邊等。每道菜都係即叫即做，保證送到上檯果陣係熱o既。仲有老闆會睇住我o地差唔多食完第一道菜先上第二道，唔會有食唔切放係檯吹到凍哂o既情況出現。主菜燒餅真係好好味，熱辣辣咁食真係好正。價錢又唔貴，埋單都係一百六十左右，個套餐兩個人食真係o岩o岩好。鍾意食日式燒餅o既朋友可以去試試，我亦都會再去幫襯。