Video
Read full review
2023-07-18
30 views
同朋友沿住中環半山扶手電梯上去果帶覓食，行行下比一間黑白色裝修嘅餐廳吸引住，原來係食葡國菜，連個店名都充滿葡式感覺😆 小店面積唔算大，幾個吧台位，一眼就可以望晒成間餐廳~反而令我好有印象嘅係佢哋枱上面嘅擺設同商品🖼️，除咗有佢哋自家製嘅醬料之內，仲有好多相架、酒樽，好特別，又好有外國家庭式營運嘅小店感覺🤍🤍Mussels Bolhao Pato Mussels in a white wine & butter sauce & bread同朋友叫咗個青口做前菜，覺得佢哋自家製嘅醬汁真係好惹味😇，酸酸辣辣好開胃😎 雖然青口唔算好大隻，不過份量都唔少，夾住啲麵包點埋啲醬汁食都幾正🤩Lagareiro octopusPortuguese octopus in an extra virgin olive oil sauce, baked young potatoes & salad難得食葡國菜，梗係要嗌啲海鮮嚟試下啦😍 其實出面唔係好多餐廳有章魚🐙食，所以今次嚟到一定要試吓😝 章魚整得好腍，好易切，仲有薯仔同埋沙律🥗做配菜。其實餐廳採用嘅橄欖油喺呢一碟餸入面都有好大作用，雖然好多油但唔會食到油膩感
小店面積唔算大，幾個吧台位，一眼就可以望晒成間餐廳~反而令我好有印象嘅係佢哋枱上面嘅擺設同商品🖼️，除咗有佢哋自家製嘅醬料之內，仲有好多相架、酒樽，好特別，又好有外國家庭式營運嘅小店感覺🤍🤍
Mussels Bolhao Pato
Mussels in a white wine & butter sauce & bread
同朋友叫咗個青口做前菜，覺得佢哋自家製嘅醬汁真係好惹味😇，酸酸辣辣好開胃😎 雖然青口唔算好大隻，不過份量都唔少，夾住啲麵包點埋啲醬汁食都幾正🤩
Lagareiro octopus
Portuguese octopus in an extra virgin olive oil sauce, baked young potatoes & salad
難得食葡國菜，梗係要嗌啲海鮮嚟試下啦😍 其實出面唔係好多餐廳有章魚🐙食，所以今次嚟到一定要試吓😝 章魚整得好腍，好易切，仲有薯仔同埋沙律🥗做配菜。其實餐廳採用嘅橄欖油喺呢一碟餸入面都有好大作用，雖然好多油但唔會食到油膩感，反而令到所有食物嘅味道都提升另一個層次😋
Bacalhau no forno
Portuguese baked cod fish in a extra virgin olive oil sauce, baked young potatoes & salad
聽講Bacalhau係葡萄牙料理的靈魂，佢係乾燥過同以鹽醃漬過嘅鱈魚🐟，老闆都推薦我哋試下😆 鱈魚好滑，亦都係有沙律同埋薯仔做配菜，都幾飽肚～ 我諗同上面章魚嘅煮法一樣，醃製咗嘅鱈魚配上自家製橄欖油一齊食係幾正😍 食到停唔到😋
K-JADA
雖然好想嗌葡撻🤣 ，不過最後都係決定叫一個未食過嘅葡萄牙甜品😋 佢好似蛋糕嗰種口感，仲配咗兩杯埋你紅酒，好有特色！！😍 老闆建議我哋一啖紅酒一啖蛋糕咁食，確實係幾夾😇，為我哋呢一餐葡國菜畫上完美嘅句號🥰
整體來講餐廳食物嘅味道唔錯，用料上乘同新鮮😋 因為廚房得老闆同埋佢嘅助手兩位喺度煮嘢食，即叫即整，所以食物啱啱出嚟都係香噴噴😍
Post
