八月居 (海港城) (Closed)

累透既星期五想食吓中餐飲杯茶，訂八點，店員告知可能要等一會。果然去到門口擠滿人，大概等半小時，傾吓講吓好快過。都有一段時間無黎，餐牌又多左好多款。不過胃口麻麻只點了兩道小菜。【洛神花黑豚骨】夾起有一絲絲醬汁，甜度蓋左洛神花香味，少左一份酸酸甜甜既感覺。黑豚骨肉質略實，不過分量幾足，唔會肉少骨多。【紫薑脆蝦球】有5大隻，炸得好香口，蝦球肉質實淨彈牙，醬汁幾惹味，不過分得唔平均，集中喺中間一隻，其餘唔夠汁。【蛋白岩米桶仔飯】一人一個剛剛好，入面有粟米燕麥，夠哂營養~