Quattro's Kitchen (Moved) New Location

經過見到斧頭扒相片好吸引就入去一試，所有嘢都唔錯，因為同行人不食牛，所以試咗佢哋既2人餐，都好好味。頭盆有雞肉沙律外，仲有生蠔，生蠔味道剛好不太濃味，入口口感豐富，有淡淡既海水味。西蘭花忌廉湯外觀不吸引，但飲落都好滑口。再自加焗田螺一碟，味道一般，仲有少少沙。主菜選了野菌意大利忌廉飯同煎魚，個飯味較濃，如果喜歡濃味既就一絕，魚既外皮脆脆，配黑松露醬簡直好味。估唔到跟餐甜品都咁精美，特別個希甸有淡淡既薑味，真係估佢唔到。完全會再返去食多幾次。