Video
Read full review
2021-03-13
378 views
今日落灣仔幫朋友搞啲嘢，做完都差唔多晚飯時間，就一於在附近覓食。本來打算去譚臣道食兩餸套飯，點知原來舖頭無做晚市，於是改左去呢間「雨林軒」。餐廳地方不大，一般茶餐廳格局，但椅桌擺放得好整齊，環境乾淨企理。餐牌有好多頁，食物選項分門別類，有西式扒餐、皇牌芝士焗飯/意粉、皇牌咖喱系列、鑊氣炒粉麵飯、西式意粉/飯系列、雨林客飯， 另外仲有小食同下午茶餐等可供選擇。我哋點左印尼炒飯、星洲炒米，另外再加左客欖油炒雜菜。印尼炒飯 ($60)，個炒飯賣相唔錯，材料有雞肉、大蝦、蛋絲、蔥粒、煎蛋同蝦片，旁邊仲有一串串燒，用料非常豐富，分量十足。最鍾意就係啲飯粒炒得夠爽身，唔會食到碟底一攤油，而且味道好香濃，配爽甜彈牙的蝦隻同脆卜卜嘅蝦片一齊食，真係無得輸。另外碟星洲炒米 ($52) 亦炒得好有水準，還沒上桌已經傳來陣陣香濃嘅咖喱味，可見鑊氣十足。蝦肉同洋蔥好爽口，另外仲有蛋絲、火腿、芽菜同叉燒，用料絕不馬虎。最值得一讚就係啲米粉炒得夠乾爽，唔會痴埋一堆堆，咖喱味又夠均勻，入口帶點微辣，非常惹味。至於碟欖油炒雜菜 ($40) 用料亦絕不欺場，材料包括有椰菜、三色椒、翠肉瓜、菇菌、蕃茄同白菜仔。幾款瓜
本來打算去譚臣道食兩餸套飯，點知原來舖頭無做晚市，於是改左去呢間「雨林軒」。
餐廳地方不大，一般茶餐廳格局，但椅桌擺放得好整齊，環境乾淨企理。
餐牌有好多頁，食物選項分門別類，有西式扒餐、皇牌芝士焗飯/意粉、皇牌咖喱系列、鑊氣炒粉麵飯、西式意粉/飯系列、雨林客飯， 另外仲有小食同下午茶餐等可供選擇。
我哋點左印尼炒飯、星洲炒米，另外再加左客欖油炒雜菜。
印尼炒飯 ($60)，個炒飯賣相唔錯，材料有雞肉、大蝦、蛋絲、蔥粒、煎蛋同蝦片，旁邊仲有一串串燒，用料非常豐富，分量十足。最鍾意就係啲飯粒炒得夠爽身，唔會食到碟底一攤油，而且味道好香濃，配爽甜彈牙的蝦隻同脆卜卜嘅蝦片一齊食，真係無得輸。
另外碟星洲炒米 ($52) 亦炒得好有水準，還沒上桌已經傳來陣陣香濃嘅咖喱味，可見鑊氣十足。蝦肉同洋蔥好爽口，另外仲有蛋絲、火腿、芽菜同叉燒，用料絕不馬虎。最值得一讚就係啲米粉炒得夠乾爽，唔會痴埋一堆堆，咖喱味又夠均勻，入口帶點微辣，非常惹味。
至於碟欖油炒雜菜 ($40) 用料亦絕不欺場，材料包括有椰菜、三色椒、翠肉瓜、菇菌、蕃茄同白菜仔。幾款瓜菜都炒得恰好，翠肉瓜同椰菜新鮮爽脆，入口一點也不油膩，加上以橄欖油嚟炒，感覺特別健康。
凡惠顧大餐牌任何食品，可用半價優惠享用飲品。我哋點左龍鳳檸樂 (+$11) 同 紅豆冰 (+$11)，檸檬+鹹檸檬，配埋可樂，味道超正！紅豆冰味道啱啱好，唔會太甜，紅豆又夠腍，飲完真係大滿足。
Post
