第一家 (Closed)

較早前清明節去東區拜山，拜完山諗住去太安樓附近睇下有咩好西……行左一個圈都覺得普普通通，再上網搵下資料，發覺呢間韓國野做緊折扣優惠……疫情在家多時，好耐無食過韓國菜了，一於試下外賣晚餐自取😜點咗個「細味自選二人餐」，有3個主菜任揀，有成十幾個option比我揀，揀都揀咗5分鐘🤣🤣返到屋企先知道，個餐仲跟埋碗酸蘿蔔、雪梨及可樂……有埋飯後果🍐十分貼心無骨蜂蜜蒜蓉炸雞至少有10件以上的炸雞，甜度適中，配上蒜蓉鮮炸而成，啖啖肉，好juicy😜 (平時快餐店果d有骨又少肉，呢個真係合埋眼就可以食落肚🤤超方便）海鮮炸醬麵一打開個盒，份量嚇親人，絕對唔係2人份量，最少夠3.5個人食🤓配料用上大量魷魚仔，蝦仁及牛肉粒……炸醬味道令人食完一碗又想食一碗，甜甜地不太辣，推介主食👍魚籽湯食咁多「重口味」食物，當然要叫個湯試試。第一次飲魚籽湯，落單時仲特登google下呢款咩湯黎，原來係比較花功夫的韓國暖身湯，飲落唔會有腥味，仲有大量魚籽湯渣當餸食，味道鮮甜🐟💦雖然暫時無晚市堂食，但見佢午市堂食都有套餐可以叫，自取更有折扣優惠……細心一想，該店開係太安樓附近，能夠站得穩陣腳，水準當然有返咁上下啦🤤🤤