Video
Read full review
2009-08-07
33 views
大概八點鐘到去到，都唔係太多人，淨係見到入面有一大班細路好嘈，原來係度搞birthday party，哈哈，真係幾特別，成晚我就係睇住d小朋友係度跑黎跑去。坐低其實都有dd肚餓啦，睇左一陣，跟住就決定叫個2人餐啦，因為好似咩都有得食，而d野食亦都算係啱我地口味想食既。佢好細心架，幫我地分好哂兩份，即係唔駛我地自己分，實在係非常之好，而且每一道菜既時間都係配合返，一食完頭盤個湯就即刻黎，時間剛剛好。頭盤有三樣野架，分別係兩串沙嗲串，迷你海南雞飯 (呢個super cute!)，同埋一個炸蝦球既物體。佢個mini海南雞飯真係好得意，係搵隻羹裝住架咋，但好好味呀，個雞好滑，一啖油飯再有少少醬汁係入面，哈哈，不過真係好mini，食完有d意猶未盡既感覺。跟住個沙嗲串都幾好味，一d都唔辣，啱哂我，不過d肉既肉質好似麻麻地，有D UN既感覺，係咪過左龍?最後就係炸蝦球，哈，我唔記得佢個名係咩，但佢好惹味，因為個醬汁酸酸辣辣咁，我食落去佢出哂煙架，幾香口呀。食完頭盤就有湯啦，佢有3款揀，我地就揀左肉骨茶，佢又係裝好哂一碗俾我地，仲有油炸鬼添，不過D油炸鬼麻麻地好食，哈哈。但個肉骨茶真係好正，超濃藥材味
坐低其實都有dd肚餓啦，睇左一陣，跟住就決定叫個2人餐啦，因為好似咩都有得食，而d野食亦都算係啱我地口味想食既。
佢好細心架，幫我地分好哂兩份，即係唔駛我地自己分，實在係非常之好，而且每一道菜既時間都係配合返，一食完頭盤個湯就即刻黎，時間剛剛好。
頭盤有三樣野架，分別係兩串沙嗲串，迷你海南雞飯 (呢個super cute!)，同埋一個炸蝦球既物體。佢個mini海南雞飯真係好得意，係搵隻羹裝住架咋，但好好味呀，個雞好滑，一啖油飯再有少少醬汁係入面，哈哈，不過真係好mini，食完有d意猶未盡既感覺。跟住個沙嗲串都幾好味，一d都唔辣，啱哂我，不過d肉既肉質好似麻麻地，有D UN既感覺，係咪過左龍?最後就係炸蝦球，哈，我唔記得佢個名係咩，但佢好惹味，因為個醬汁酸酸辣辣咁，我食落去佢出哂煙架，幾香口呀。
食完頭盤就有湯啦，佢有3款揀，我地就揀左肉骨茶，佢又係裝好哂一碗俾我地，仲有油炸鬼添，不過D油炸鬼麻麻地好食，哈哈。但個肉骨茶真係好正，超濃藥材味，一D都唔會過鹹，飲完個人都覺得好熱，果然行氣活血，佢有一兩舊骨，都幾淋幾入味，I luf this!
之後就係主菜啦，今次就無分啦，要你自己夾，有羊扒，炒蘿蔔糕加埋xx炒蝦伴油酥餅。個人覺得炒蘿蔔糕最好味，因為佢有少少辣辣地，同埋好香，會令你好想食落去，我見佢仲有唔同既料如雞蛋，蝦仁等等，真係好味架! 個羊扒就都ok既，肉質剛好，生熟程度亦剛好，不過如果個味道再濃返少少就好，而家好似淡左少少。最後就係個蝦伴酥餅，哈哈，對於我呢d最懶剝殼既人真係覺得幾煩架，佢開左少少，淨返個d要自己剝，不過個蝦都ok，仲食到有膏添，不過辣左少少，無咁辣就好啦。個酥餅應該係俾我地掂個d汁，不過我覺得就咁食仲好味，個汁同個酥餅唔太夾，就咁食好好味，好香，我最鍾意食呢d酥餅架啦。
食到呢度其實我已經好飽，佢仲有兩個甜品，不過我覺得個甜品無咁好食，我都唔記得佢咩名，淨係記得一個好似係西米布甸，另一個係金莎朱古力蛋糕，2個都一般，西米個質感好怪，而且太甜，金莎朱古力蛋糕我見到都覺得飽，非常之漏......而且佢個朱古力麻麻地好味，所以我就覺得一般啦。
仲有野飲，我叫左杯珍多冰，勁重椰汁味，但如果再甜dd會好d。
佢既服務一般，可能因為有bday party，佢地都唔得閒理我地，有時係搵唔到人的。而且有位姐姐好似無咩禮貌，叫佢俾野係掉俾我地的，望都唔望下我地，咁樣唔係好啱喎。
我都唔係好清楚幾多錢，因為我望唔到張單，真係唔好意思，但我諗應該唔平，大概$200一個人到啦。
因為佢係set，所以無得用openrice優惠卷。
Post