Video
Read full review
2005-11-15
40 views
我估開飯喇管理大人仲未更新這間全聚德已經"包含"左"鳳城"在內??10月30日行完山同家人去左哩間食,其實我在旺角鳳城已經食左十幾年有多,今次主要係想試下聞名已久之前招牌事件的鳳城,食物水準比較兩者如何?有睇過網頁上以前網聚及網友之介紹,對這間鳳城有一定期望,好可惜大失所望!事源一開始入到去侍應就問我食京菜嗎?我打了一個突明明訂鳳城順德大良菜何來京菜??我再望望酒樓內的招牌是全聚德,桌上餐牌又有鳳城?!?這樣經侍應解釋二合一之後坐下來心知不妙!!當晚叫左...1.竹絲雞煲翅味精濃烈程度大到我食了幾塊"翅邊",湯一口都飲不下!翅就只是很平價貨式..可惜收我價錢不是!2.八寶鴨料確多可惜又係味精多而且竟然可以煮成罐頭鴨的味道,果然好野!3.大良野雞卷真係可以用十個差形容佢既味道! 入口不脆而且可以整到成舊有"咬口"? 竟然有"咬口"..你可以想像野雞卷這味鬆脆入口溶化的菜式攪成點?!4.家鄉釀鯪魚入口活像街市買的炸魚片,冇鯪魚味木木獨獨!5.抄豆苗一口渣的貨式5.生炒糯米飯成晚可以食得落的出品,因為唔食都冇野食!?額外叫的..6.小籠包普通只係入得口的貨式成晚除左食物水準差之外就係上菜問題
10月30日行完山同家人去左哩間食,其實我在旺角鳳城已經食左十幾年有多,今次主要係想試下聞名已久之前招牌事件的鳳城,食物水準比較兩者如何?
有睇過網頁上以前網聚及網友之介紹,對這間鳳城有一定期望,好可惜大失所望!
事源一開始入到去侍應就問我食京菜嗎?我打了一個突明明訂鳳城順德大良菜何來京菜??我再望望酒樓內的招牌是全聚德,桌上餐牌又有鳳城?!?這樣經侍應解釋二合一之後坐下來心知不妙!!
當晚叫左...
1.竹絲雞煲翅
味精濃烈程度大到我食了幾塊"翅邊",湯一口都飲不下!
翅就只是很平價貨式..可惜收我價錢不是!
2.八寶鴨
料確多可惜又係味精多而且竟然可以煮成罐頭鴨的味道,果然好野!
3.大良野雞卷
真係可以用十個差形容佢既味道! 入口不脆而且可以整到成舊有"咬口"? 竟然有"咬口"..你可以想像野雞卷這味鬆脆入口溶化的菜式攪成點?!
4.家鄉釀鯪魚
入口活像街市買的炸魚片,冇鯪魚味木木獨獨!
5.抄豆苗
一口渣的貨式
5.生炒糯米飯
成晚可以食得落的出品,因為唔食都冇野食!?
額外叫的..
6.小籠包普通只係入得口的貨式
成晚除左食物水準差之外就係上菜問題,叫左野之後佢問可以上菜嗎,我地話可以之後,竟然只係5分鐘就幾近全部上齊,仲要翅同八寶鴨一齊先上!!!有冇攪錯!!!擺上既菜都已經係暖暖地而唔係熱,仲要人地食翅既時候就上埋其他野,鴨又凍其他魚凍啦!要即刻叫停佢都已經出埋野雞卷..前後由叫菜都只係15分鐘左右!!!真係有大陸鄉間酒家擺酒feel,一次上晒菜連生果都出埋咁!!
我地都幾乎懷疑d野係用微波爐翻熱就出,唔係邊有咁快!
仲有就佢地d侍應,禮貌都ok既..不過就叫就換碟唔叫就唔知去左邊囉...唔該請d有口音姐姐都訓練一下再招呼人客,同佢講野十句就幾句唔明，咁攪就失禮自己酒樓啦,食物都已經差!
一間酒樓對食物一定要嚴謹,招呼一定要俾到人客開心,叫得自己鳳城"正宗"就更加要做好,唔好攪到不倫不類,我地一家人食到真係火都黎！以後都唔會去哩間”鳳城”食！
Post