Video
Read full review
2021-04-09
1734 views
是日放假一天，決定去觀塘黎個爲食之旅！最後一站係鴻圖中心既二少廚房，臨返屋企之前食埋個宵夜先走。呢間二少廚房之前黎過兩次，我最鍾意呢度既燉湯，真材實料又夠健康。查實二少廚房只有一個小小既counter，你俾完錢就好似等外賣，攞左食物後就自己係隔離坐低食。餐牌簡單，主要做燉湯、餃子、手撕雞同酸菜魚套餐。所有套餐配凍熱豆漿或熱茉莉花茶。燉湯有五款，想飲燉湯就要叫套餐，因爲任何套餐加$13就可以轉燉湯，超抵！手撕雞套餐都有五款。所有手撕雞同酸菜魚套餐可以加$8轉米缐或拌麵。有辣有唔辣。我同同行友人一人叫一份手撕雞套餐連燉湯同黑芝麻豆漿。招牌客家鹽焗手撕雞濃湯魚湯米線, 花膠燉雞湯, 黑芝麻豆漿 $93薑蔥手撕雞濃湯魚湯米線, 鮑魚紅棗杞子雞湯, 黑芝麻豆漿 $93本身手撕雞泰國絲苗香米套餐連燉湯就只需$70。加錢要飲品就加$12，轉黑芝麻豆漿再加$3。轉濃湯魚湯米線加$8。招牌客家鹽焗手撕雞份量唔少。手撕雞雞有雞味，調味調得好，質感有咬口，有雞胸有雞髀肉，上面撒上白芝麻粒，加添香味。薑蔥手撕雞同招牌客家鹽焗手撕雞一樣，不過另外俾兜薑蔥蓉你自己點。建議一定要叫有另外調味既手撕雞套餐，多個醬俾你
餐牌簡單，主要做燉湯、餃子、手撕雞同酸菜魚套餐。所有套餐配凍熱豆漿或熱茉莉花茶。燉湯有五款，想飲燉湯就要叫套餐，因爲任何套餐加$13就可以轉燉湯，超抵！手撕雞套餐都有五款。所有手撕雞同酸菜魚套餐可以加$8轉米缐或拌麵。有辣有唔辣。我同同行友人一人叫一份手撕雞套餐連燉湯同黑芝麻豆漿。
招牌客家鹽焗手撕雞濃湯魚湯米線, 花膠燉雞湯, 黑芝麻豆漿
$93
31 views
0 likes
0 comments
薑蔥手撕雞濃湯魚湯米線, 鮑魚紅棗杞子雞湯, 黑芝麻豆漿
$93
34 views
0 likes
0 comments
本身手撕雞泰國絲苗香米套餐連燉湯就只需$70。加錢要飲品就加$12，轉黑芝麻豆漿再加$3。轉濃湯魚湯米線加$8。
招牌客家鹽焗手撕雞份量唔少。手撕雞雞有雞味，調味調得好，質感有咬口，有雞胸有雞髀肉，上面撒上白芝麻粒，加添香味。薑蔥手撕雞同招牌客家鹽焗手撕雞一樣，不過另外俾兜薑蔥蓉你自己點。建議一定要叫有另外調味既手撕雞套餐，多個醬俾你自己揀點定唔點都好呀。另外配生菜，生菜新鮮脆口，加左少少油。
加$8轉濃湯魚湯米線，我次次都要轉。魚湯好清，非常健康。米線幼身滑溜，都幾好食，份量亦幾多。除左米線，配料仲有鹹酸菜，蔥條同腐竹。
到主角燉湯啦！花膠燉雞湯好清，我最鍾意呢度d湯好足料，有得飲又有得食。花膠仔有一條，煲到淋嗮既雞脚一隻，豬肉兩舊，冬菇一隻。
不過以下呢個鮑魚紅棗杞子雞湯仲正！
鮑魚紅棗杞子雞湯
7 views
1 likes
0 comments
鮑魚紅棗杞子雞湯
18 views
0 likes
0 comments
呢個湯真係正到爆。味道鹹香，但係都仲係清清地唔油。湯料好足，有兩粒細鮑魚，質感特別好嚼。仲有煲到淋嗮既雞脚一隻同雞翼一隻，豬肉兩舊，紅棗同杞子。呢個湯强烈建議大家要試試。
呢個黑芝麻豆漿係新野，一定要試下先，比普通豆漿貴$3。
黑芝麻豆漿
$15
10 views
0 likes
0 comments
黑芝麻豆漿 $15
黑芝麻豆漿色水呈淡灰色，帶微微黑芝麻味，甜度適中，大杯又好飲。
$100樓下有燉湯有手撕雞有米線有豆漿真係幾抵。
Post
