California Pizza Kitchen (Closed)

第一次食完California pizza kitchen之後就愛上佢。第二日去旺角，忍5住要再食多次。今次撞啱teatime，要左兩個tea set同一個黑椒胡麻蝦pizza。tea set要左個焗春卷（墨西哥雞肉或泰式雞肉），我地揀左前者。有兩款醬，綠色嗰個應該屬於墨西哥風味，另一個似麻醬，濃味d。個春卷都幾脆個偏粉左d，都幾好食。另一個set就要左忌廉雞肉菠菜闊麵，好失望，完全係唔入味，d菠菜麵好淡，同個汁好似分離咁，好似純粹食緊d有少少汁黏住嘅麵咁，唔好食。雖然個pizza偏咸得濟，d蝦又細，但個pizza都ok，但5會翻嗌。呢度員工唔會主動問我地需5需要調味料，又掛住傾偈，服務一般。但呢個時間段咁食，係平過晚餐時間好多。最後，對於第二次但係旺角分店嘅嘗試我覺得總體感覺偏失望，可能同廚師手藝有關，我自己覺得九龍灣分店quality好好多。