養心殿台式養生鍋 (Closed)

二月有兩位老友記生日，相約一次過一齊慶祝，大家都鍾意食打邊爐，咁就梗係去返間有質素嘅火鍋店！養心殿係港九仲有多間分店，睇到食評都好高分，所以要試一試佐敦呢一間，放工去好近，食完散band 交通十分方便。一來先上FB 打咭，即有飲品送！咸檸7，正！再叫了兩個熟食作小食，先再慢慢點火鍋料。個滷水牛三寶、酥炸蠔仔非常好食！尢尤其是個滷水大腸好入味！我驚湯底叫咗酸菜白肉鍋，唔食得辣嘅朋友好欣賞，酸菜好開胃，再加上五花腩肉，下次會Encore 呢個湯底。火鍋料最緊要手切肥牛，肥瘦相間，美味非常！手工丸及餃子都好正，用料新鮮。