茶廳 (Closed)

青衣城開左二期之後真係第一次去，一入去個層就有間茶廳是是正正，餐牌選擇都幾多又唔太貴。我地嗌左一個避風塘炒豬趴一丁，佢係有少少辣，但係絕對係個個都食得到嘅，而且佢個麵都好爽身，唔會越食越滯。然後我個朋友仲食左個咖喱豬趴飯，啲咖喱汁又係好食到不得了！我仲搶晒佢啲咖喱汁黎撈飯哈哈哈！最後等我講下啲甜品啦，佢個朱古力醬窩夫加煉奶雪糕又係一個最佳搭配，最適合夏天咁熱嘅天氣食。而佢個法式焦糖燉蛋配豆腐雪糕就十分之開胃，仲食到我想叫多兩三個添。